“Нашай Вясне” прызначаць дату разгляду скаргі ў Вярхоўным Судзе

Распарадчае паседжаньне па скарзе заяўнікаў грамадскага праваабарончага аб’яднаньня “Наша Вясна” на адмову ў рэгістрацыі Міністэрствам юстыцыі прызначанае на 16 ліпеня.

Як паведаміў пісьмова заяўнікам суддзя Вярхоўнага Суда А. Церах, у парадку падрыхтоўкі справы да судовага разгляду пад час гутаркі будзе прызначана і дата суду па скарзе на адмову ў рэгістрацыі праваабарончага аб’яднаньня “Наша Вясна”.

Нагадаем, што дакументы на рэгістрацыю ГПА “Наша Вясна” былі прадстаўленыя ў Мінюст 25 красавіка, а дакладна праз месяц заяўнікам было ў трэці раз за апошнія два гады адмоўлена ў дзяржаўнай рэгістрацыі аб’яднаньня.