У Гомелі адбудуцца акцыі, прысвечаныя памяці Юрыя Захаранкі
https://spring96.org/be/news/28243
2009
2009-05-06T18:32:50+0300
2009-05-06T18:32:50+0300
1970-01-01T03:00:00+0300
be
https://spring96.org/files/images/sources/zaharenko.jpg
7 траўня прадстаўнікі дэмакратычнай супольнасці плануюць правесці шэраг мерапрыемстваў. Яны будуць прысвечаныя 10-й гадавіне з дня знікнення экс-міністра ўнутраных спраў Юрыя Захаранкі.
У першай палове дня, як інфармуе "Беларускі партызан", гомельскія актывісты збіраюцца наведаць маці генерала, якая пражывае ў пасёлку Васілевічы Гомельскай вобласці. Пасля абеду прадстаўнікі дэмакратычных сіл думаюць перадаць у абласную міліцыю ліст, у якім падкрэсліваецца адсутнасць якіх-небудзь зрухаў у расследаванні справы 10-гадовай даўніны.
На вечар запланаваны "Ланцуг неабыякавых людзей". Падрабязнасцяў, якім чынам і дзе будзе арганізаваная гэтая акцыя, актывісты не паведамляюць.
