Крымінальная справа за ўхіленьне ад войска?

На актывіста Маладога Фронту Сяржука Гумінскага, які з-за палітычнага перасьледу быў вымушаны зьехаць вучыцца за мяжу, завялі крымінальную справу за ўхіл ад войска. Маладафронтавец аб’яўлены ў вышук.

На днях пра тое, што на яе сына заведзена крымінальная справа і ён аб’яўлены ў вышук, даведалася маці Сяржука Гумінскага, якой паведамілі, што дакумэнты бліжэйшымі днямі будуць перададзены ў пракуратуру.

У мінулым годзе здарылася аналягічная сытуацыя, але тады пракуратура адмовіла ў беспадстаўным узбуджэньні крымінальнай справы.

Зараз Сяржуку Гумінскаму, які другі год навучаецца ў Польшчы, пры перасячэньні межаў Беларусі, пагражае арышт.