Заўтра суд разгледзіць скаргу Аляксандра Баразенкі

Заўтра, 13 студзеня, а 10-ай гадзіне Менскі гарадскі суд разгледзіць касацыйную скаргу Аляксандра Баразенкі на рашэнне суда Цэнтральнага раёна.

Нагадаем, што 9 снежня 2008 года суддзя Цэнтральнага суда Наталля Вайцяховіч вынесла моладзеваму актывісту прысуд - год абмежавання волі без накіравання ў папраўчую установу.

Ад 27 кастрычніка Аляксандра Баразенку трымалі пад вартай, абвінаваціўшы ў арганізацыі групавых дзеянняў, якія нібыта прывялі да масавых беспарадкаў падчас студзеньскіх акцыяў прадпрымальнікаў. Апошняга фігуранта ў “справе 14-ці“ вызвалілі ў судовай залі.