Агульнанацыянальная дыктоўка працягваецца
Каля суду пішуць агульнанацыянальную дыктоўку
15 сакавіка ў Беларусі стартавала грамадзкая ініцыятыва “Беларуская дыктоўка”. Родная мова – гэта падмурак, на якім будуецца нацыя, яе культура, яе жыцьцё. Кожная мова – унікальная цывілізацыйная зьява, вартая жацьця, разьвіцьця, захаваньня. Менавіта такія працэсы адбываюцца у еўрапейскай культурнай прасторы.
Нажаль, беларуская рэчаіснасьць выпадае з агульнаэўрапейскіх культурных і цывілізацыйных працэсаў. Захаваньне помнікаў гісторыі і культуры, якіх Беларусь за апошнія дзесяцігодзьдзі страціла тысячы і тысячы, адбываецца на “бульдозэрным” узроўні, выключана з ужытку, растаптана родная нашая мова, робяцца спробы ў чарговы раз карэктаваць у зручны для правадыроў бок нашую пакутную гісторыю.
18 красавіка – гэта знакавы дзень, бо ўжо які год па ініцыятыве ЮНЭСКА сьвяткуецца ён, як Міжнародны дзень аховы помнікаў і гістарычных мясьцін. Менавіта ў гэты дзень Рэспубліканская рада Беларускага добраахвотнага таварыства аховы помнікаў гісторыі і культуры запрашае сваех сяброў і прыхільнікаў на беларускую дыктоўку, якая адбудзецца ў самым сэрцы Гістарычнага цэнтру нашай сталіцы – у Верхнім горадзе.
Пачатак дыктоўкі а 18-й гадзіне 18 красавіка 2008 г. у скверы каля Менскай ратушы.
Чакаем Вас!
Таварыства аховы помнікаў гісторыі і культуры
16 красавіка дыктоўку праводзілі маці палітзьняволеных - Галіна Сіўчык і Тацяна Кім.
17 красавіка ў 17.00 у бібліятэцы касьцёла сьвятых Сымона і Алены (Чырвоны касцёл) пішуць сябры клуба “Спадчына” (кантактная асоба - Анатоль Белы)
18 красавіка ў 18.00 - пішуць у скверы каля рэстаўраванай ратушы на пл. Свабоды (кантактная асоба - Антон Астаповіч).
