У клетцы і з жоўтымі біркамі. У Фларэнцыі каля форуму Мандэлы адбыўся перформанс з удзелам былых палітвязняў Беларусі

У Дзень салідарнасці з беларускімі палітвязнямі, 21 траўня, у Фларэнцыі адбыўся перформанс з удзелам былых палітзняволеных Анастасіі Булыбенкі і Віталя Жука. Акцыю арганізавала прадстаўніца Народнага пасольства Беларусі ў Італіі Юлія Юхно. Перфоманс адбыўся ля сцен форуму Нэльсана Мандэлы, каля клеткі, у якой вядомы грамадскі дзеяч правёў 18 гадоў. Былыя палітвязні былі з сімвалічнымі жоўтымі нагруднымі біркамі. 

Анастасія Булыбенка і Віталь Жук падчас перформанса

Падчас перформансу з двух бакоў клеткі стаялі па два крэсла, на кожным з якіх сядзелі Ася і Віталь. На фоне гучалі лісты палітвязняў Віктара Бабарыкі, Паліны Шарэнды-Панасюк, Марфы Рабковай і іншых на італьянскай мове. Як распавяла Анастасія, італьянцы па чарзе садзіліся насупраць іх падчас чытання кожнага ліста. Пасля заканчэння перформансу палітвязні былі заключаны ў кайданкі і прайшлі ўнутр клеткі. 

Чытаць на "Вясне" гісторыі Анастасіі Булыбенкі і Віталя Жука:

"Адміністрацыя калоніі ламае тое, што не змаглі зламаць у ІЧУ ці СІЗА", — вялікае інтэрв'ю з экс-палітвязнем бабруйскай калоніі

"Чым больш мы маўчым і баімся, тым усё больш зацягваем гэта. Мы самі дазваляем гэтаму рэжыму кіраваць намі. Таму я лічу, што трэба апублічваць усё і казаць. Так, гэта можа паўплываць на ўмовы ўтрымання зняволеных і лёс іх родных".

"Думала, што калі засну, то прачнуся зноў у камеры". Экс-палітзняволеныя — пра свой псіхалагічны стан з абодвух бакоў кратаў

Былыя палітзняволеныя жанчыны распавялі "Вясне" пра сваё псіхічнае здароўе падчас зняволення, як яны падтрымлівалі сябе за кратамі і як яны аднаўляюцца пасля вызвалення.