Кацярыну Леў за каментары ў сацсетках пакаралі пазбаўленнем волі і штрафу
Наваполацкі гарадскі суд
Суд Наваполацкага раёна 30 траўня вынес прысуд мясцовай жыхарцы Кацярыне Леў, абвінаваціўшы яе ў абразе прадстаўнікоў улады паводле арт. 369 Крымінальнага кодэкса.
Справу разглядала суддзя Сняжана Калінічэнка.
Кацярыну Леў затрымалі 1 лютага 2023 года. Увесь час да суда яна прабыла ў СІЗА.
У судовым працэсе абражанымі прадстаўнікамі ўлады выступілі намеснік начальніка УУС Мінскага аблвыканкама Віталь Казлоў, кіраўнік адміністрацыі Ленінскага раёна Мінска Раман Мельнік, а таксама першы намеснік начальніка ГУУС Мінгарвыканкама Ігар Падвойскі.
Гэтая тройца трапіла ў скандал, калі ў лютым 2022 года «Кіберпартызаны» апублікавалі зліў іх размовы з верасня 2020 года. Тэлефонная гутарка Падвойскага, Мельніка і Казлова стала доказам таго, што міліцыя паказвае суддзям, якія рашэнні выносіць удзельнікам мірных пратэстаў, піша MAYDAYMog.
Пасля апублікавання роліка з запісам у тэлеграм-канале “Кіберслівы", пад ім пакінулі водгукі больш за два дзясяткі чалавек, сярод якіх апынулася і Кацярына Леў.
Яе пакаралі пазбаўленнем волі ў калоніі агульнага рэжыму тэрмінам на два гады і штрафу ў 3 700 рублёў.
