Улады Белаазёрска (Брэсцкая вобласьць) не дазволілі правесьці ў палацы культуры семінар, прысьвечаны рэфармаваньню жыльлёва-камунальнай гаспадаркі. Падставай для забароны стала тое, што ініцыятыва правядзеньня сыходзіла ад апазіцыйных дэпутатаў Белаазёрскага горсавета, паведамляе Радыё Свабода.

Семінар павінен адбыцца 19 сакавіка, на ім планавалася абмеркаваць варыянты, пры якіх грамадскасьць горада можа паўплываць на эфектыўнае кіраўніцтва жыльлёвым фондам. На семінар былі запрошаныя эксперты Беларускай асацыяцыі працоўных жанчын і прадстаўнікі мясцовых уладаў. Але кіраўніцтва Белаазёрскага гарвыканкаму не толькі адмовілася ад удзелу ў семінары, але і забараніла праводзіць яго ў палацы культуры. У выніку семінар адбыўся на прыватнай кватэры