Палітвязня Арсенія Чыжыка асудзілі на 2,5 гады калоніі па "справе Зельцэра"
У Гомельскім абласным судзе 21 лістапада асудзілі палітзняволенага Арсенія Чыжыка паводле ч. 1 арт. 130 (Распальванне іншай сацыяльнай варожасці) Крымінальнага кодэкса і прызначылі яму 2 гады і 6 месяцаў пазбаўлення волі ў калоніі ва ўмовах агульнага рэжыму. Справу разглядаў суддзя Руслан Царук.
Арсенія Чыжыка затрымалі ў Гомлі па крымінальнай справе, узбуджанай за каментары ў інтэрнэце пасля гібелі ў Мінску супрацоўніка КДБ Дзмітрыя Федасюка і it-спецыяліста Андрэя Зельцэра.
Першапачаткова Арсеній праходзіў па крымінальнай справе паводле двух артыкулаў: 369 КК (Абраза прадстаўніка ўлады) і 130 КК (Распальванне сацыяльнай варожасці). Як вынікае з прысуду, адзін з іх пазней знялі.
Падтрымайце палітвязня лістамі, тэлеграмамі і пасылкамі: СІЗА-3. 246003, г. Гомель, вул. Кніжная, 1А (Арсеній Сяргеевіч Чыжык)
