Мужа і жонку асудзілі да калоніі. Дома ў іх засталіся двое дзяцей

13 кастрычніка ў судзе Партызанскага раёна Мінска да калоніі асудзілі мужа і жонку: палітзняволеную Алену і Дзмітрыя Паўловічаў. Алене прысудзілі два года, а Дзмітрыю — 1,5 года пазбаўлення волі ў калоніі агульнага рэжыму.

Прысуд вынес Міхаіл Макарэвіч.

Сужэнцаў прызналі вінаватымі паводле ч. 1 арт. 342 Крымінальнага кодэкса.

Алена Паўловіч — гаспадыня салону друку "Ліса" з Барысава. Іх разам з мужам затрымалі напрыканцы ліпеня 2022 года. Пры вобшуку сілавікі прымусілі Алену здзіраць са сцяны бел-чырвона-белыя шпалеры. 

На волі ў мужа і жонкі засталіся двое непоўнагадовых дзяцей, якія цяпер знаходзяцца з бабуляй. У лістах на волю зняволеныя пішуць, што не губляюць бадзёрасці духу.