viasna on patreon

Праваабарончая праграма "Вясна" на Беларускім Радыё Рацыя

2022 2022-09-20T16:12:48+0300 2022-09-20T16:15:43+0300 be https://spring96.org/files/images/sources/racyja-viasna_mal.png Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Кожны аўторак у 20:05 па беларускім часе (паўтор у суботу ў 7:00) у эфіры незалежнай радыёстанцыі "Беларускае Радыё Рацыя" — праграма "Вясна", якая асвятляе падзеі, датычныя правоў чалавека. 

Прэм'еру ў эфіры анлайн можна паслухаць праз інтэрнэт тут альбо тут (калі не адкрываецца, то карыстайцеся VPN). А таксама 98,1 FM для Гродна і 99,2 FM для Брэста.

(Анонсы папярэдніх выпускаў глядзіце тут).

 Анонс праграмы на 20 верасня:

Крымінальны пераслед: Апошнія прысуды, вынесеныя ў Беларусі па крымінальных палітычна матываваных справах. Самы гучны і жорсткі з іх — у дачыненні да журналіста Дзяніса Івашына: 13 гадоў і 1 месяц калоніі ва ўмовах узмоцненага рэжыму.

“Насколькі ж Дзяніс ім насаліў, наколькі яны яго ненавідзяць, што аж такі тэрмін выпісалі”, — адзначае яго жонка Вольга Івашына.

Па-за межамі: Хто такія расійскія палітвязні?

Затрыманыя па справах "аб фэйках" пасля пачатку вайны за расповяды пра Бучу. І зняволеныя задоўга да вайны — напрыклад, крымскія татары.

А акцыі падпісання лістоў расійскім (а таксама і беларускім) палітвязням арганізуе каманда "Погулянки" — медыя пра жыцце Вільнюса

Асоба: "Камера на сантымэтраў 7 шырэй... У выніку цяпер хоць і «зыгзагам», але можна прайсці пяць крокаў", — так апісаў свае ўмовы ў “адзіночцы” Мікалай Статкевіч. Падрабязней пра апошнія навіны з жыцця палітзняволенага палітыка распавядае яго жонка Марына Адамовіч.

 У музычных паўзах — кампазіцыі ў выкананні HURMA.

*Пазней тут з'явіцца аўдыязапіс выпуску

Апошнія навіны

Партнёрства

Сяброўства