Праваабарончая праграма "Вясна" на Беларускім Радыё Рацыя
Кожны аўторак у 20:05 па беларускім часе (паўтор у суботу ў 7:00) у эфіры незалежнай радыёстанцыі "Беларускае Радыё Рацыя" — праграма "Вясна", якая асвятляе падзеі, датычныя правоў чалавека.
Прэм'еру ў эфіры анлайн можна паслухаць праз інтэрнэт тут альбо тут (калі не адкрываецца, то карыстайцеся VPN). А таксама 98,1 FM для Гродна і 99,2 FM для Брэста.
(Анонсы папярэдніх выпускаў глядзіце тут).
Анонс праграмы на 9 жніўня:
Каментар: 6 жніўня 2020 года была створаная Гарачая Лінія “Вясны” (@ViasnaSOS). За ўвесь час Лінія прыняла тысячы зваротаў ад людзей, што шукалі сваіх затрыманых блізкіх — і некаторыя з гэтых зваротаў былі асабліва запамінальнымі для валанцёраў:
“Аднойчы мне патэлефанавала намесніца дырэктара — яна шукала свайго блізкага сваяка, з якім мы разам вучыліся ў ліцэі. Я не магла сказаць: “Хэй, мы знаёмыя!”… [Пасля] я проста з клапатлівым імпэтам сачыла за гэтым чалавекам — але мы не стасуемся… Свет вельмі пераплецены паміж сабой”, — успамінае Дар’я Рублеўская, якая валанцёрыла на Гарачай Лініі ў жніўні 2020-га.
Падзея: Другая гадавіна прэзідэнцкіх выбараў 2020-га. “Каб я ведаў, што будзе, я б падсцяліў саломкі”, — адзначае сябра “Вясны” Аляксей Колчын. Тым часам у Беластоку і Варшаве прайшоў Марш годнасці: “Рэпрэсіі не сканчаюцца, сістэма працуе”, — кажа адна з яго ўдзельніц.
Крымінальны пераслед: Падборка самых гучных крымінальных палітычна матываваных прысудаў мінулага тыдня.
“Улада набрала пэўную колькасць закладнікаў — палітычных вязняў”, — адзначае намеснік старшыні БАЖ Барыс Гарэцкі.
Па-за межамі: 4 жніўня праваабаронцы “Вясны” выйшлі пад сцены амбасады Беларусі ў Літве з партрэтамі палітзняволеных калег. Час і месца абраны не выпадкова — роўна 9 гадоў таму на тым жа месцы адбылася падобная акцыя.
У музычных паўзах — гурты "Крамбамбуля", Pomidor/off і Hasta la Fillsta. Іх гітарыст Уладзіслаў Плюшчаў на мінулым тыдні быў асуджаны да двух гадоў калоніі.
Аўдыязапіс выпуску:
