viasna on patreon

Праваабарончая праграма "Вясна" на Беларускім Радыё Рацыя

2022 2022-08-02T15:24:15+0300 2022-08-02T15:24:15+0300 be https://spring96.org/files/images/sources/spring-1.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Кожны аўторак у 20:05 па беларускім часе (паўтор у суботу ў 7:00) у эфіры незалежнай радыёстанцыі "Беларускае Радыё Рацыя" — праграма "Вясна", якая асвятляе падзеі, датычныя правоў чалавека. 

Прэм'еру ў эфіры анлайн можна паслухаць праз інтэрнэт тут альбо тут (калі не адкрываецца, то карыстайцеся VPN). А таксама 98,1 FM для Гродна і 99,2 FM для Брэста.

(Анонсы папярэдніх выпускаў глядзіце тут).

Анонс праграмы на 2 жніўня:

Крымінальны пераслед: Падборка нядаўніх палітычна-матываваных прысудаў. Прычыны дзве: вайна ва Украіне і “справа Зэльцэра”.

“За смайлік і за каментар!”

Падзея: 1 жніўня Раману Бандарэнку магло б споўніцца 33 гады; 25 ліпеня ў Беластоку правялі чарговую штомесячную акцыю падтрымкі палітзняволеных прадстаўнікоў Саюза палякаў — Анжалікі Борыс і Андрэя Пачобута; а 28 ліпеня споўнілася 500 дзён, як палітзняволены журналіст Дзяніс Івашын за кратамі.

Асоба: Гісторыя Алега Іванова з Воршы, якога ў 2020 годзе збілі амапаўцы. Пасля зняволення у мужчыны былі пашкоджаныя ўнутраныя органы і яго стан страшна пагаршаўся. Але валанцёры дапамаглі яму выратавацца літаральна ў апошні момант — Алег пакінуў межы Беларусі і цяпер праходзіць лячэнне.

Каментар: “Што можна зрабіць, каб падтрымаць палітвязняў? Як мінімум — напісаць ім ліст”, — упэўненая беларуска Алёна Панамарова. Яна разам з аднадумцамі кожную сераду ладзіць адпаведную акцыю ў Варшаве.

*Пазней тут з'явіцца аўдыязапіс выпуску.

Апошнія навіны

Партнёрства

Сяброўства