Працягваецца закрыты суд над філосафам Уладзімірам Мацкевічам

2022 2022-06-15T11:26:49+0300 2022-06-15T12:09:26+0300 be https://spring96.org/files/images/sources/mackevich-uladzimir-2.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Уладзімір Мацкевіч

Уладзімір Мацкевіч

Мінскі абласны суд 15 чэрвеня працягвае разгляд крымінальнай справы філосафа і стваральніка “Лятучага ўніверсітэту” Уладзіміра Мацкевіча.

Справу разглядае суддзя Сяргей Епіхаў.

Палітзняволенага Мацкевіча абвінавачваюць у арганізацыі і падрыхтоўцы дзеянняў, што груба парушаюць грамадскі парадак (ч. 1 арт. 342 Крымінальнага кодэкса), стварэнні экстрэмісцкага фарміравання (ч. 1 арт. 361-1) і абразе прэзідэнта (ч. 1 арт. 368).

Уладзімір Мацкевіч  быў затрыманы 4 жніўня 2021 года пасля вобшуку ў доме ў межах крымінальнай справы. Яму выставілі абвінавачванне ў "арганізацыі дзеянняў, якія груба парушаюць грамадскі парадак" (арт. 342 Крымінальнага кодэкса). 4 студзеня 2022 яму працягнулі тэрмін утрымання пад вартай яшчэ на месяц, да 4 лютага.

Да суда ўтрымліваўся ў СІЗА №1 Мінска.

Судовы працэс пачаўся 9 чэрвеня. За гэты час абвінавачванне агучыла паказанні ўдзельнікаў платформы «Сход».

Сёння ў судзе праходзіць допыт сведак з боку абароны.

“Уладзімір Мацкевіч трымаецца ўпэўнена. На жаль, у цяперашніх рэаліях не ўсе калегі і сябры Уладзіміра Мацкевіча маюць магчымасць з'явіцца ў беларускі "суд". І нават тыя нешматлікія галасы, якія сёння гучаць там у абарону філосафа, надзейна схаваныя ад нас за дзвярыма суда. Дзякуй усім за падтрымку!”паведамляюць ягоныя родныя.

Пачаўся закрыты суд над філосафам і стваральнікам “Лятучага ўніверсітэту” Уладзімірам Мацкевічам

Патрабуючы змяніць меру стрымання на падпіску аб нявыездзе, завяршыць следчыя дзеянні і прызначыць дату судовага разбіральніцтва, Уладзімір абвясціў з 3 лютага галадоўку, з 15 лютага — "сухую галадоўку"

Апошнія навіны

Партнёрства

Сяброўства