Сясцёр у Мінску за ўдзел у акцыі пратэсту 2020 года асудзілі да "хіміі"
Яна і Таццяна Барысовіч
У судзе Заводскага раёна Мінска 1 чэрвеня вынесены прысуд палітзняволеным сёстрам Яне і Таццяне Барысовіч. Дзяўчат абвінавацілі ў арганізацыі і падрыхтоўцы дзеянняў, якія груба парушаюць грамадскі парадак або актыўным удзеле ў іх (ч. 1 арт. 342 Крымінальнага кодэкса).
Справу разглядаў суддзя Алег Каляда.
Да суда дзяўчыны ўтрымліваліся ў СІЗА №1 Мінска.
Студэнткі Яна Барысовіч разам з сястрой Таццянай Барысовіч былі затрыманыя 22 лютага 2022 года, калі ў кватэру, дзе яна жыла з маці і сястрой, прыйшлі супрацоўнікі міліцыі з ператрусам.
Яна Барысовіч – студэнтка біялагічнага факультэта МДУ, Таццяна Барысовіч навучаецца ў музычным каледжы.
Вядома, што іх абвінавацілі ў актыўным удзеле ў адной з акцый пратэсту, якія адбываліся ў Мінску пасля выбараў 2020 года.
Суд прызнаў абедзвюх вінаватымі і прысудзіў Таццяну Барысовіч да абмежавання волі з накіраваннем ва ўстанову адкрытага тыпу тэрмінам на тры гады, Яну Барысовіч да абмежавання волі з накіраваннем ва ўстанову адкрытага тыпу тэрмінам на два з паловай гады.
