viasna on patreon

"Я прайду гэты шлях з годнасцю": адказ асуджанага ўдзельніка акцый пратэсту наконт памілавання

2022 2022-03-09T11:36:50+0300 2022-03-09T12:30:36+0300 be https://spring96.org/files/images/sources/krashakou-2.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Павел Крашакоў

Павел Крашакоў

Жыхар Салігорска Павел Крашакоў, які быў асуджаны 20 снежня 2021 года суд Салігорскага раёна да пазбаўлення волі тэрмінам на 2 з паловай гады па арт 342 і 363 Крымінальнага кодэкса, даслаў сваёй маці чарговы ліст. У ім размова йдзе пра магчымасць памілавання.

“Мама, я вядома ведаў, што ды на многае здатная, але не думаў, што ты будзеш прасіць іх пра памілаванне. Але я і так хутка выйду і буду дома без памілавання…. Я пісаць сам нічога не буду з маіх асабістых меркаванняў… Я прайду гэты шлях з годнасцю", - напісаў ён маці Іне.

Маці асуджанага паведаміла таксама праваабаронцам падрабязнасці жорсткага затрымання Паўла 5 жніўня 2021 года:

"Была на спатканні з Пашкай, ён распавёў як яго затрымалі, а потым везлі ў РАУС праз лес і прывалаклі ўжо ў аддзяленне усяго збітага. Калі рабілі “пакаяльны запіс”, то кінулі яму пачак сурвэтак, каб змог адцерці ад крыві твар. Два месяцы ён спаў на жалезных пласцінах, матраса не давалі", - распавяла спадарыня Іна.

Салігорцаў асудзілі за актыўны ўдзел у акцыі пратэсту і супраціўленне міліцыянтам

Суд Салігорскага раёна 20 снежня вынес прысуды групе ўдзельнікаў мінулагодняй акцыі пратэсту, якіх абвінавацілі па двух артыкулах: ч.1 арт. 342 (арганізацыя і падрыхтоўка дзеянняў, якія груба парушаюць грамадскі парадак, альбо актыўны ўдзел у іх) і ч. 2 арт 363. (супраціўленне супрацоўніку органаў унутраных спраў).

Маці даведалася, што яго і яе малодшага сына засняла відэакамера, калі яны 10 жніўня кідалі пластыкавыя крэслы і пластыкавыя бутэлькі ў АМАП, а на раніцу Пашку забралі, пакінуўшы лужыну крыві на падлозе. Сына мурыжылі доўга і ўсё роўна знайшлі запіс з яго ўдзелам, а малодшы не дасягнуў ўзросту па гэтым артыкуле і таму яго пакаралі зняволеннем па іншым.

Апошнія навіны

Партнёрства

Сяброўства