Абвясцілі прысуды для ўжо 11-й групы фігурантаў "карагоднай" справы ў Брэсце

2021 2021-12-17T14:30:16+0300 2021-12-17T14:50:25+0300 be https://spring96.org/files/images/sources/karahody_brest.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
"Карагоды" у Брэсце

"Карагоды" у Брэсце

17 снежня 2021 года ў Маскоўскім судзе Брэста суддзя Таццяна Лаўранюк абвясціла прысуды 12 абвінавачаным, паведамляе "Берасцейская Вясна".

▪️ Уладзімір Гарбавец — 2 гады "хіміі" (абмежаванне волі з накіраваннем у ПУАТ);
▪️ Кацярына Шпак — 3 гады "хатняй хіміі" (абмежаванне волі без накіравання у ПУАТ);
▪️ Аляксандр Бадавец і палітвязень Віктар Кухарчук — 2.5 года "хатняй хіміі" (апошняму залічыць тэрмін знаходжання пад вартай з 18 кастрычніка);
▪️ па 2 гады "хатняй хіміі" ўсім астатнім (Павел Хамічук, Кірыл Дарашчук, Барыс Галанін, Вольга Федарэнка, Анастасія Жукавец, Дзмітрый Капылоў, Ігар Грабінскі, Марына Ушыўкова).

Менавіта такія тэрміны і прасіў пракурор Ягор Кронда.

Такім чынам, на бягучы момант у рамках так званай "карагоднай" справы ўжо асуджана 114 чалавек. Нагадаем,што іх усіх прызнаюць вінаватымі ў "грубым парушэнні грамадскага парадку" (ч. 1 арт.342 КК).

Апошнія навіны

Партнёрства

Сяброўства