Праваабарончая праграма "Вясна" на Беларускім Радыё Рацыя
Кожны аўторак у 20:05 (паўтор у суботу ў 7:00) у эфіры незалежнай радыёстанцыі “Беларускае Радыё Рацыя” — праграма "Вясна", якая асвятляе падзеі, датычныя правоў чалавека.
Прэм'еру ў эфіры анлайн можна паслухаць праз інтэнэт тут, альбо тут.
Анонс праграмы на 13 ліпеня:
Хроніка: Агляд рэпрэсій мінулага тыдня — затрыманні і вобшукі ў журналістаў, актывістаў ды валанцёраў. Не ўсе з іх засталіся на волі.
Крымінальны пераслед: Віктару Бабарыку прысудзілі 14 гадоў калоніі, а другой партыі фігурантаў па пінскай справе—ад чатырох да пяці з паловай гадоў калоніі. Што казалі палітвязні ў апошнім слове? І як ацэньваюць прысуд Бабарыкі праваабаронцы?
Тым часам, працягваюць выносіць прысуды і па шараговых крымінальных справах—так, менчука Вадзіма Марчанку пакаралі на тры гады “хатняй хіміі” за тое, што выйшаў у кастрычніку на марш.
У музычных паўзах — кампазіцыі са складанкі беларускіх песень “Айчына і каханне” Змітра Сасноўскага, створанай ў эміграцыі.
Запіс выпуску слухайце тут:
