Сілавікі ўзяліся за валанцёраў: хроніка палітычнага пераследу за 10 ліпеня Дапоўнена

2021 2021-07-10T14:20:13+0300 2021-07-13T00:33:12+0300 be https://spring96.org/files/images/sources/mironau-illia.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Праваабарончы цэнтр "Вясна" працягвае збіраць факты палітычнага пераследу па ўсёй краіне. Пасля шырокамасштабнай атакі на прадстаўнікоў незалежных СМІ, ператрусаў, допытаў і затрыманняў, якая доўжылася два дні, 10 ліпеня працягваецца пераслед людзей за іх актыўную грамадзянскую пазіцыю.

Калі вас ці вашых блізкіх затрымалі, паведамляйце нам:

  • праз тэлеграм-бот @viasna_bot;
  • на гарачую лінію у тэлеграм @ViasnaSOS, @SOSViasna

"Зачыстка" КДБ працягваецца па ўсёй Беларусі: хроніка пераследу 9 ліпеня

КДБ восьмага ліпеня заявіў, што цяпер адбываецца "шырокамасштабная аперацыя па зачыстцы ад радыкальна настроеных асобаў".

Гомель

Гомельскі валанцёр Ілля Міронаў, якога пасля ператрусу затрымалі 8 ліпеня, знайшоўся ў ізалятары КДБ. Ягоныя акаўнты ў сацыяльных сетках і месенджарах кантралююць аператыўнікі. Мама валанцёра Валянціна Міронава гаворыць, што праз прызначанага адваката ёй перадалі, што стан здароўя сына здавальняючы, паведамляе Беларускае Радыё Рацыя.

Ілля Міронаў. Фота: Новы Час.
Ілля Міронаў. Фота: Новы Час.

Ператрусы ў 10 супрацоўнікаў «Сильных новостей» правялі ў межах крымінальнай справы супраць удзельнікаў пратэстаў.

Ператрусы і канфіскацыя кампутараў і тэлефонаў у супрацоўнікаў інтэрнэт-парталу «Сильные новости» (Гомель) працягваліся да самай ночы 9 ліпеня.

Як паведаміў БелаПАН стваральнік парталу Пятро Кузняцоў, усяго было 15 пастановаў на ператрус — на дзесяць супрацоўнікаў. Следчыя дзеяньні праходзілі ў работнікаў парталу як па месцы прапіскі, так і па месцы жыхарства, а таксама на лецішчах і ў аўтамабілях, піша "Радыё Свабода".

Мінск

У Мінску знікла валанцёрка  Юлія Сырых (1974 года нараджэння). Сябры мяркуюць, што яна магла быць затрыманая па крымінальнай справе.


Учора ў Мінску быў затрыманы Антон Сташэўскі, валанцёр “Краіны для жыцця”. Сілавікі правялі ператрус па месцы жыхарства, потым яго затрымалі ў межах невядомай пакуль крымінальнай справы і змясцілі на Акрэсціна. Таксама ператрус прайшоў у доме, дзе фармаваліся прадуктовыя перадачы для зняволеных.

Таксама затрыманая валанцёркі Марына Дуброўская і Таццяна Астроўская. 


Палітычная аглядальніца БелаПАН Тацяна Каравянкова пакінула Беларусь.

«Гэта цяжкае рашэньне, якое, я спадзявалася, ніколі не давядзецца прымаць і якое ўсяляк адцягвала, мы з рэдакцыяй у выніку прынялі літаральна за некалькі хвілін. На зборы спатрэбілася яшчэ дзьве гадзіны», — напісала журналістка ў сябе ў Фэйсбуку.


Супраць лідара «Маладога фронту» Дзяніса Урбановіча распачалі крымінальную справу.

Нагадаем: яго затрымалі 3 ліпеня ў цэнтры Мінску і адвезлі ў ЦІП на Акрэсціна.

Дзяніс Урбановіч

Сёння Дзяніс перадаў на волю праз чалавека, з якім адбываў адміністрацыйны арышт у адной камеры, што супраць яго распачалі крымінальную справу. Канкрэтны артыкул пакуль невядомы, піша @belsat.

Інфармацыя будзе дапаўняцца.

Апошнія навіны

Партнёрства

Сяброўства