Данілу Ганчарова асудзілі на два гады калоніі

Суд Цэнтральнага раёна 9 ліпеня вынес прысуд Данілу Ганчарову, якога вінавацілі ва ўдзеле ў групавых дзеннях, што груба парушаюць грамадскі парадак (ч. 1 арт. 342 КК), і саўдзеле ў такім злачынстве (ч. 6 арт. 16 ч. 1 арт. 342 КК).

Суддзя Дзмітры Карсюк, нягледзячы на сумнеўнасць доказаў і відавочныя памылкі ў матэрыялах справы, палічыў, што віна палітвязня даказаная і пакараў яго двума гадамі калоніі агульнага рэжыму. Менавіта такі тэрмін запрасіў пракурор Цімафей Нічыпарук. 

Даніла Ганчароў у судзе сваёй віны не прызнаў і адмовіўся ад дачы паказанняў.

Як праходзіў суд па справе: 

Для Данілы Ганчарова запрасілі два гады пазбаўлення волі за ўдзел у шасці нядзельных маршах і перасылку інфармацыі ў Telegram

Паводле абвінавачвання, Даніла Ганчароў прыняў удзел з іншымі неўстаноўленнымі асобамі ў шэрагу несанкцыянаваных масавых мерапрыемствах, не падпарадкоўваўся законным патрабаванням супрацоўнікаў міліцыі, чым груба парушыў грамадскі парадак.

 Праваабарончы цэнтр "Вясна" пры дапамозе валанцёраў адсочваў гэты судовы працэс