Палітзняволенага капітана Генштаба Дзяніса Урада асудзілі да 18 гадоў калоніі

2021 2021-05-14T12:41:33+0300 2021-05-14T20:35:25+0300 be https://spring96.org/files/images/sources/denis_urad_foto_vk.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Дзяніс Урад. Фота з сацсетак

Дзяніс Урад. Фота з сацсетак

Вярхоўны суд 14 траўня асудзіў палітзняволенага вайскоўца Дзяніса Урада да 18 гадоў калоніі ўзмоцненага рэжыму за здраду дзяржаве. Таксама яго пазбавілі звання. Суд праходзіў у "закрытым" рэжыме.

 Прысуд уступіў у сілу з моманту абвяшчэння. Абскарджанню, апратэставанню ў апеляцыйным парадку не падлягае. 

Дзяніса Урада ўзгадвалі ў фільме АНТ "Манкурты". Яго вінавацілі ва "ўцечках інфармацыі". Па інфармацыі праўладных СМІ, 14 сакавіка на дзяжурстве Дзяніс Урад сфатаграфаваў сакрэтны ліст ад міністра ўнутраных спраў міністру абароны і "адправіў польскаму тэлеграм-каналу". 

Праваабарончая супольнасць Беларусі патрабуе ад беларускіх уладаў неадкладнага вызвалення Дзяніса Урада і спынення крымінальнага пераследу ў дачыненні да яго:

Сумесная заява беларускай праваабарончай супольнасці аб прызнанні Дзяніса Урада палітзняволеным


Дзянісу Ураду 29 гадоў, ён жанаты, ёсць дзіця. Родам капітан з Расонаў Віцебскай вобласці. Вучыўся ў Ваеннай акадэміі на факультэце сувязі і аўтаматызаваных сістэм кіравання, які скончыў у 2014 годзе.

Апошнія навіны

Партнёрства

Сяброўства