"Выйшаў да "Рыгі", каб пабачыць арганізатараў". Судзяць мінчука Аляксея Мельнікава Дапоўнена
Аляксей Мельнікаў.
У судзе Заводскага раёна Мінска 12 сакавіка пачаўся разгляд крымінальнай справы, узбуджанай у дачыненні да жыхара Мінска, палітычнага зняволенага Аляксея Мельнікава. Яго абвінавачваюць у злачынстве, прадугледжаным часткай 2 артыкула 293 КК РБ Крымінальнага кодэксу - масавыя беспарадкі.
Мельнікаў быў затрыманы 4 снежня ў рамках крымінальнай справы аб масавых беспарадках у Менску.
Працэс вядзе суддзя Ганна Хвайніцкая. Дзяржабвінаваўца - Качанава.
Дзесятага жніўня 2020 года Аляксей Мельнікаў выйшаў у горад у раёне універсаму “Рыга” па асабістых справах. Пры гэтым ён хацеў асабіста даведацца, што адбываецца ў краіне і ў Мінску, у прыватнасці. Удзелу ў блакаванні вуліц у той вечар не прымаў. Аднак, па ягоных словах, з'явіліся людзі і пачалі заклікаць рабіць блакаванне вуліц. Мельнікаў паспрабаваў драбіць камяні, але ў яго не атрымлівалася.
Затым, па ягоных сведчаннях, на людзей выйшла сцяна АМАПу.
Тады Мельнікаў зняў маску і прапанаваў ім скласці шчыты, і “вырашыць справу мірным шляхам”. Аднак невядомыя правакатары абвінавацілі яго ў тым, што ён працуе на "мусароў".
Па палітычных поглядах ён камуніст, тыя грамадскія працэсы, што цяпер адбываюцца ў краіне, ён не падтрымлівае.
Таксама ў судзе 12 сакавіка дапытвалі сведак па справе.
Сведка Яхновіч Сяргей, кіроўца тралейбуса 92 маршрута распавёў, што 10 жніўня 2020 года была працоўная змена з 15.30. На ўніверсаме “Рыга” было шмат людзей на пешаходным пераходзе, там ён убачыў сярод людзей камяні. Але настрой быў святочны, агрэсіі ён не адчуваў, не бачыў зброі ў руках людзей. Адзін з камянёў трапіў у кіроўцу, адскочыўшы ад сцяны.
Пытанне суддзі: І як такая атмасфера можа быць святочнай?
Сведка: Мне было не страшна, страшна стала, калі пачаліся жорсткія разгоны.
На судовым працэсе адвакат заявіў, што лепей, каб працэс праходзіў менавіта ў такім фармаце. Без агалоскі, без масы сведак, маўляў - менш там усё раздражняюцца. А-то могуць раззлавацца і ўсім даць больш.
Таксама адвакат казаў, што калі б не гэты персанаж "Лука" і з ім усё звязанае, яму максімум бы маглі павесіць адміністрацыйку.
Дзяржабвінаваўца запытала дзя Мельнікава пакаранне ў выглядзе пазбаўлення волі на 5 гадоў калоніі ўзмоцненага рэжыму.
Адвакат у спрэчках:
Абвінавачаны баяўся пагроз ад актыўных пратэстоўцаў, таму ўзяў сцяжкі, але потым выкінуў іх.
Акцэнтуе на тое, што ён марксіст-ленініст, а не пратэстуючы - апазіцыянер.
Яму было цікава асабіста ўбачыць, што адбываецца ў краіне.
Працяг суда прызначаны на 10-10 16 сакавіка.
