Судзяць магілёўца, абвінавачанага ў абразе адразу трох міліцыянтаў Дапоўнена
Іван Ківа. Скрыншот з відэа
Трое супрацоўнікаў міліцыі прад'явілі пазовы ў агульнай складанасці на 13 тыс. рублёў да магілёўца Івана Ківы, абвінавачанага па арт. 369 Крымінальнага кодэксу (абраза прадстаўніка ўлады).
Справа разглядаецца ў судзе Ленінскага раёна Магілёва. Суддзя – Таццяна Рахманенка.
Згодна з матэрыяламі справы, у верасні 2020 года Іван Ківа размясціў пад адным з тэкстаў у групе групе "Народны патруль", якая раней існавала ў сацыяльнай сетцы "ВКонтакте", абразлівы каментар, які утрымліваў ненарматыўную лексіку, паведамляе mogilev.online.
Як мяркуе абвінавачванне, яны тычыліся трох супрацоўнікаў міліцыі, аб якіх нібыта ішла гаворка ў пасце.
Іван Ківа не адмаўляе, што размясціў каментар, аднак не згодны з абвінавачваннем у частцы таго, што словы былі накіраваныя ў адрас супрацоўнікаў міліцыі, якія на фота былі ў цывільным адзенні. Ён таксама сцвярджае, што толькі выказаў сваё меркаванне.
Аднак міліцыянты, якія абразіліся, лічаць, што ягоныя словы былі выказаныя менавіта ў іх адрас, якія як і заклікі да непрыстойных дзеянняў, нанеслі ім вялікую маральную шкоду. Двое з іх патрабуюць па пяць тысяч рублёў кампенсацыі ад ківы, а адзін - тры тысячы.
Наступнае пасяджэнне суду запланаванана на 17 сакавіка.
Будзе дапоўнена.
