Два з паловай гады «хіміі» прысудзілі жыхару Светлагорска за эмацыйныя каментары на адрас інспектара ДПС

2021 2021-01-22T14:50:11+0300 2021-01-22T14:50:34+0300 be https://spring96.org/files/images/sources/loza_svetlagorsk.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Валерый Лоза. Фота: "Палеская вясна".

Валерый Лоза. Фота: "Палеская вясна".

Мужчына прызнаў віну, з усім пагадзіўся і выбачыўся перад міліцыянтам. Але на жорсткасць прысуду гэта не паўплывала, піша "Палесская Вясна".

Жыхара Светлагорска Валерыя Лозу абвінавачвалі ў абразе прадстаўніка ўлады ў сувязі з выкананнем ім сваіх абавязкаў (арт. 369 Крымінальнага кодэкса). Лоза пісаў у сацыяльнай сетцы «Аднакласнікі» пад пастом аб дзеяннях інспектара ДПС Андрэя Баграёнка падчас жнівеньскіх пратэстаў каментары, у якіх эмацыйна выказваўся пра героя паста.  

Андрэй Баграёнак паведаміў, што быў моцна абражаны, пераймаўся з нагоды таго, што пра яго думаюць жыхары горада. Свае маральныя пакуты ён ацаніў у 3000 рублёў, падаўшы пазоў аб спагнанні гэтай сумы з Лозы. Апошні прызнаў гэтае патрабаванне часткова, пагадзіўшыся дабраахвотна выплаціць міліцыянту 1500 рублёў.

Падчас першага судовага паседжання дзяржаўны абвінаваўца Дзяніс Раманчыкаў двойчы хадайнічаў аб абвяшчэнні перапынкаў у паседжанні, каб падрыхтавацца да спрэчак. Урэшце, спрэчкі адбыліся амаль праз тыдзень пасля судовага следства. Выступ Дзяніса Раманчыкава заняў каля 4 хвілін. Падчас выступу абвінаваўца запытаў для Валерыя Лозы пакаранне ў выглядзе абмежавання волі тэрмінам на 2 гады 6 месцаў з накіраваннем яго ў папраўчую ўстанову адкрытага тыпу, а таксама спагнаць з яго на карысць Андрэя Баграёнка 1500 рублёў маральнай шкоды. Паколькі ў Лозы не было абаронцы, спрэчак фактычна не адбылося.

Суддзя Галіна Гулевіч пагадзілася з запытаным абвінаваўцам пакараннем і прызначыла Валерыю Лозу 2,5 гады абмежавання волі з накіраваннем у папраўчую ўстанову, а таксама пастанавіла спагнаць з яго 1500 рублёў маральнай шкоды на карысць Баграёнка. 

Светлагорск: за абразу інспектара ДПС судзяць мясцовага жыхара

У судзе Светлагорскага раёна 15 студзеня пачаўся разгляд крымінальнай справы, узбуджанай у дачыненні да мясцовага жыхара Валерыя Лозы. Яго абвінавачваюць па артыкуле 369 КК РБ (Публічная абраза прадстаўніка ўлады ў сувязі з выкананнем ім службовых абавязкаў).

Апошнія навіны

Партнёрства

Сяброўства