Праваабарончы цэнтр «ВЯСНА»

Навіны за Травень 2014

30.05.2014 Беларускі праваабаронца: “Ва Украіне былі сапраўдныя выбары”

Салігорскі праваабаронца Леанід Мархотка прыняў удзел у назіранні за пазачарговымі прэзідэнцкімі выбарамі ва Украіне. Па вяртанні ў беларускую сталіцу шахцёраў назіральнік распавёў пра адрозненне ўкраінскіх выбараў ад беларускіх.

30.05.2014 Мазырскі праваабаронца сустрэўся са старшынёй Канстытуцыйнага суда

Задаў пытанне праваабаронца і пра роўнасць беларускай і рускай моваў. Па яго словах, адказ Пятра Міклашэвіча быў такі: «У нас дзве роўныя мовы, і я як грамадзянін таксама маю права выбіраць – на якой мове весці размову».

30.05.2014 Затрыманыя ўдзельнікі пікету “Смерць крамлёўскім акупантам!”

На Кастрычніцкай плошчы ў Менску 29 траўня супрацоўнікі АМАПу затрымалі некалькі ўдзельнікаў пікету “Смерць крамлёўскім акупантам!”. Усе яны актывісты моладзевага грамадскага аб’яднання Альтэрнатыва”. Пра гэта ў facebook паведаміў кіраўнік “Альтэрнатывы” Алег Корбан.

29.05.2014 Журналіст Андрэй Мялешка выкліканы ў суд

Гродзенскі журналіст-фрылансер Андрэй Мялешка выкліканы ў суд Кастрычніцкага раёну Гродна. Сёння з раённага суду яму патэлефанавала сакратарка і запыталася, чаму яго няма ў судзе. Пазней выявілася, што позва ў суд знаходзілася на пошце.

29.05.2014 Менскія ўлады афіцыйна забаранілі гурт Amaroka

Кіраўнічка ўпраўленьня культуры Менгарвыканкаму Віталіна Рудзікава афіцыйна адмовіла беларускаму рок-гурту ў правядзеньні канцэрту.

29.05.2014 Расійскія псіхіятры зноў паставілі пад сумнеў высновы беларускіх лекараў

Не давяраючы беларускім урачам, напярэдадні паўторнага псыхіятрычнага абследавання жыхарка Маладэчна Алеся Садоўская прайшла экспертызу ў Незалежнай псіхіятрычнай асацыяцыі Расіі.

29.05.2014 Алесь Бяляцкі пра ўкраінскі канфлікт: Каб неяк навесьці масты – мусяць працаваць няўрадавыя арганізацыі

Важную ролю ў вырашэньні грамадзянскай канфрантацыі ва Украіне праваабаронца адводзіць менавіта няўрадавым арганізацыям, якім, на яго думку, давядзецца выпраўляць наступствы “цывілізацыйнага разлому”.

29.05.2014 Суд над Андрэем Мялешкам прызначаны на 30 мая

У пятніцу ў Кастрычніцкім судзе Гродна прызначаны разгляд адміністратыўнай справы супраць незалежнага журналіста Андрэя Мялешкі. Журналіста вінавацяць у незаконны вырабе прадукцыі СМІ.

29.05.2014 Праваабаронцы ўдзельнічалі ў канферэнцыі па Беларусі ў Жэневе

У Жэневе, дзе ў хуткім часе будзе прадстаўлены даклад спецдакладчыка ААН па Беларусі, адбылася канферэнцыя з удзелам міжнародных і беларускіх праваабаронцаў, журналістаў, сваякоў палітвязняў і прадстаўніка ЕС у ААН.

29.05.2014 Юрыя Рубцова шпіталізавалі пасля месячнага зняволення

Сёння раніцай актывіста Юрыя Рубцова вызвалілі з гомельскага ізалятара часовага ўтрымання, але адразу даставілі ў Чыгуначны раённы аддзел міліцыі для размовы. Калі Рубцова адпусцілі з пастарунку, сваякі адвезлі яго ў лякарню, бо мужчына кепска сябе адчуваў.

29.05.2014 Бабруйск: пра праверку адносна распаўсюду “Новага часу” Бузінаеў даведаўся пост-фактум (дакументы)

"Вельмі цікавы выпадак, бо я нават не ведаў, што па нейкіх маіх дзеяннях праводзіцца праверка, - здзіўляецца Віктар Бузінаеў. - Калі б не гэты ліст, я б і не здагадаўся, што маёр Рудзько працягвае сачыць за маім жыццём".

29.05.2014 Тыдзень Даступнасці-2014: ад даступнасці да роўнасці

У Беларусі пачынаюцца мерапрыемствы ў межах Тыдня Даступнасці, прысвечанага пытанням ўсіх відаў даступнасці для людзей з інваліднасцю. Ініцыятарам падзеі выступае Офіс па правах людзей з інваліднасцю.

29.05.2014 Міністар у «зоне гасьціннасьці»: «Узяць!»

Батарэі жаночых шпілек калі дзьвярэй камэр, побач «сядзіць» чэмпіён Беларусі ў адзінаборствах, а менскія наркаманы штодня зарабляюць на дробных крадзяжах два мільёны рублёў – Андрэй Ткачоў, 28-гадовы інструктар па фітнэсе і івэнт-мэнэджар, распавёў Радыё Свабода, як ён адбыў 15 сутак у Цэнтры ізаляцыі правапарушальнікаў на Акрэсьціна.

29.05.2014 Прэзідэнт падпісаў указ аб рэарганізацыі папраўчых калоній

Ліквідацыю, рэарганізацыю і стварэнне шэрагу арганізацый крымінальна-выканаўчай сістэмы і лячэбна-працоўных прафілакторыяў (ЛПП) прадугледжвае падпісаны 28 мая ўказ прэзідэнта № 242 «Аб удасканальванні дзейнасці крымінальна-выканаўчай сістэмы Міністэрства ўнутраных спраў».

28.05.2014 Магілёўская міліцыя не змагла знайсці інтэрнэт-паклёпнікаў

Па словах Валерыя Каранкевіча, ён плануе і найдалей абараняць сваю гонар і годнасць. “Міліцыя не можа знайсці інтэрнэт-паклёпнікаў і распісваецца ў сваім бяссіллі, як жа яны тады хакераў і шпіёнаў лавіць будуць?" - задае рытарычнае пытанне Валерый Каранкевіч.