Праваабарончы цэнтр «ВЯСНА»

Навіны за Сакавік 2014

24.03.2014 У пракуратуры Віцебска не навучыліся пісаць без памылак (дакумент)

Чым выкліканы такі нэрвозны настрой у пракуратуры, што нават прозвішча заяўніка напісана з памылкамі, не кажучы ўжо пра іншыя памылкі ў лісце за подпісам пракурора Ю.В.Раманоўскага? Хто друкаваў такі адказ, дзе замест "юстиции" напісана "юствдии", замест "избирателей" – "дзбиратгёяей", замест "заявителю" – ";щявителю".

24.03.2014 Справаздача па выніках назірання за выбарамі дэпутатаў мясцовых Саветаў дэпутатаў 27 склікання

Назіранне ажыццяўлялася актывістамі РПГА «Беларускі Хельсінкскі камітэт» і ПЦ «Вясна» ў межах кампаніі «Праваабаронцы за свабодныя выбары».

24.03.2014 Вынікі мясцовых выбараў: 88% акругаў - безальтэрнатыўныя (відэа)

Правааабронцы адзначаюць, што выбары прайшлі са шматлікімі парушэннямі. Рэкамендацыі незалежных назіральнікаў па-ранейшаму ігнаруюцца ЦВК і членамі выбарчых камісіяў.

24.03.2014 Рэдактар мазырскай раёнкі праслаўляе выбары і Беларусь, перадрукоўваючы свой жа артыкул чатырохгадовай даўніны

Сапраўды, шмат пісалася пра выбары! Асабліва Ларысай Чорнай. І не толькі пра выбары. Як выявілася, дадзены пафасны артыкул яна напісала чатыры гады таму, і прысвечаны ён быў тады Усебеларускаму сходу ў 2010 годзе.

24.03.2014 Баранавічы: неверагодныя лічбы галасавання па месцы жыхарства

Так, на выбарчым участку № 49 у дзень выбараў 23 сакавіка прагаласавала, па дадзеных незалежных назіральнікаў, 396 выбаршчыкаў, а па месцы жыхарства – 403 чалавекі, г. зн., больш, чым на выбарчым участку за цэлы дзень галасавання.

24.03.2014 Салігорск: Падлік галасоў у звыклай непразрыстай манеры (фота)

Незалежныя назіральнікі канстатуюць, што працэдура падліку галасоў у Салігорску ўжо традыцыйна адбывалася ў непразрыстай манеры. Выніковых паседжанняў камісій пасля падліку галасоў ніводны незалежны назіральнік таксама не пабачыў.

24.03.2014 Тры актывісты «Справядлівага сьвету» прабіліся ў сельсаветы

Партыя левых «Справядлівы сьвет» правяла трох дэпутатаў у сельскія саветы Аршанскага раёну. На выбарах перамаглі: Анатоль Гоцман, Юры Курганаў і Жанна Франкова.

24.03.2014 У 7 акругах у Беларусі пройдуць паўторныя выбары

ЦВК падвёў вынікі галасавання на мясцовых выбарах.

23.03.2014 Бабруйск: Назіральніка выдалілі з участка

"На ўчастак прыйшла дзяўчына і прынесла торбу, якую выпадкова забылі ў яе кватэры сябры ўчастковай камісіі. Я пацікавіўся, ці рабіла яна запыт на іх візіт, і яна сказала: "не, яны самі прыйшлі, і я прагаласавала". Натуральна, я паведаміў сябрам камісіі, што яны парушылі закон, і яны былі вымушаныя выкрэсліць імя гэтай дзяўчыны са спісаў".

23.03.2014 Валерыя Каранкевіча адпусцілі з міліцыі

Па словах Валерыя Каранкевіча, загад адпусціць яго з будынку Хоцімскага РАУС даў адзін з мясцовых міліцэйскіх начальнікаў. Ніякага пратакола на яго не складлалі, адзінае, што з яго ўзялі вуснае абяцанне аб тым, што ён абавязкова з’явіцца ў Хоцімскі РАУС для разгляду заявы.

23.03.2014 Гомельскага назіральніка выдалілі з участка пры падліку бюлетэняў

«Міліцыянер вывеў мяне з участка, прычым афіцыйна мне не выносілі папярэджання, не складалі нейкіх папер ці актаў, проста брутальна па вуснаму загаду старшыні вывелі з участка ў той момант, калі пачаўся падлік галасоў".

23.03.2014 Хоцімск: міліцыя затрымала кандыдата ў дэпутаты

Кандыдата ў дэпутаты Магілёўскага абласнога Савета дэпутатаў па Хоцімскай выбарчай акрузе №54 і адначасова кандыдата ў дэпутаты Хоцімскага райсавета па Узбярэжнай выбарчай акрузе №13 Валерыя Каранкевіча каля 20-00 затрымалі супрацоўнікі міліцыі і даставілі ў мясцовы РАУС.

23.03.2014 Гомель: старшыня камісіі адмаўляецца прадстаўляць назіральніку інфармацыю і пагражае міліцыяй

«Інфармацыю хоць якую адмаўляецца прадастаўляць, напрыклад, колькі бюлетэняў павезлі на галасаванне па дамах, колькі было заявак, пагражае мне нейкай адказнасцю, міліцыяй, не дазваляў тут здымаць журналістам".

23.03.2014 У Гомелі назіральніку не дазволілі ехаць з членамі камісіі да выбаршчыкаў на дом

«Я заўважыла, што старшыня камісіі выдаў вялікі стос бюлетэняў членам камісіі, якія сабраліся выехаць з урнай на дом. Між тым, было толькі 64 заяўкі ад выбаршчыкаў, а бюлетэняў бралі чамусьці значна больш".

23.03.2014 Карэспандэнтка БТ прыгразілася "стукнуць мікрафонам" назіральніцу і кандыдатку

"Работнікі тэлебачання пачалі апраўдвацца, маўляў, людзям адразу цяжка гаварыць на камеру, яны бянтэжацца…Вось вы, маўляў, ці змаглі б так адразу… Я сказала: "Лёгка!" Але замест каб узяць інтэрв'ю, вядучая мяне абняла і прашаптала на вуха: "Зараз цябе мікрафонам як стукну па галаве!"