Праваабарончы цэнтр «ВЯСНА»

Навіны за Лістапад 2013

19.11.2013 Рабочыя «Полацак-Шкловалакна» не спадзяюцца на генпракурора

ААТ «Полацак-Шкловалакно» наведаў Генэральны пракурор Рэспублікі Беларусь Аляксандар Канюк. Мэтай візыту былі сустрэча з працоўным калектывам прадпрыемства і правядзеньне прыёму грамадзян.

19.11.2013 "Найноўшая гісторыя ў асобах": першы крок да чытача

Сёння лаўрэат прэміі імя Алеся Адамовіча, вядомы журналіст Аляксандр Тамковіч ладзіць прэзентацыю сваёй новай, дваццатай па ліку, кнігі "Найноўшая гісторыя ў асобах".

19.11.2013 Лячэньне ў ЛПП: краты і лыжка рамонкавай настойкі

У якіх умовах трымаюць і як лечаць тых, каго суды накіравалі лячыцца ад алькагалізму ў так званыя «лячэбна-працоўныя прафілякторыі (ЛПП)? Наш карэспандэнт высьвятляў гэта на досьведзе былога палітвязьня Васіля Парфянкова.

18.11.2013 Прызыўнікоў пазбавяць правоў кіроўцы пасля паўторнай медкамісіі

Кіроўца, які мае медыцынскія супрацьпаказанні ў ваенным білеце, якія супадаюць з супрацьпаказаннямі вадзіцельскай камісіі, можа быць або пазбаўлены правоў, або прызваны на ваенную службу.

18.11.2013 Глыбоцкі актывіст судзіцца з райвыканкамам

Зміцер Лупач, прыхільнік стварэння БХД, хоча раз суд абскардзіць забарону на пікет салідарнасці з палітвязнямі, запланаваны на 23 лістапада. Ён лічыць забарону незаконнай і просіць суд прызнаць гэта, а таксама абавязаць выканкам даць дазвол на акцыю.

18.11.2013 Прызначаная дата суду над Васілём Парфянковым

У судзе Паршамайскага раёна Менска 28 лістапада адбудзецца суд над былым палітвязням Васілём Парфянковым. Яго абвінавачваюць у парушэнні правілаў адбыцця прэвентыўнага нагляду (артыкул 421 Крымінальнага кодэксу).

18.11.2013 Маці прыгаворанага да расстрэлу Паўла Селюна звярнулася да Аляксандра Лукашэнкі

Жанчына просіць прэзідэнта памілаваць яе сына, пры магчымасці сустрэцца з ім асабіста.

18.11.2013 Цэнзура перапіскі зняволеных: як пазбавіцца ад неабгрунтаваных абмежаванняў?

Аналізуючы практыку цэнзуры паштовай перапіскі зняволеных, юрыст Павел Сапелка параўноўвае яе са становішчам у пенітэнцыярных установах за межамі Беларусі, а таксама разглядае нормы нацыянальнага закона ў гэтай сферы ў кантэксце міжнародных стандартаў у галіне правоў чалавека.

18.11.2013 «Вытокі» чакаюць новых архіўных знаходак

У Беларусі станаўленне грамадзянскай супольнасці, палітычная барацьба ў нейкім сэнсе застаюцца па-за ўвагай афіцыйнай гістарыяграфіі. Але, як кажуць, святое месца пустым не застаецца. Аб віртуальным гістарычным архіве “Вытокі” карэспандэнту “Народнай Волі” распавядаюць рэдактар сайта vytoki.net Вацлаў АРЭШКА і кіраўнік архіва Ларыса АНДРОСIК.

18.11.2013 Віцебскі праваабаронца Павел Левінаў плануе "лятучыя" пікеты

Віцебскі праваабаронца падаў заяўкі на 3 пікеты ў трох раёнах горада, кожны з якіх запланаваны на ўсяго адну хвіліну. Правесці акцыі спадар Левінаў хоча 10 снежня, у Міжнародны дзень правоў чалавека. Пікеты Паўла Левінава заяўлены як аднаасобныя акцыі, у іх збіраецца ўзяць удзел толькі ён сам.

18.11.2013 Суд Логвінава супраць Міністэрства інфармацыі (анлайн)

Сёння ў Вышэйшым гаспадарчым судзе пачаліся слуханні па заяве да Міністэрства інфармацыі Беларусі з просьбай адмяніць загад аб пазбаўленні ліцэнзіі выдавецтва “Логвінаў”.

18.11.2013 Абвешчаны IV Міжнародны конкурс журналісцкіх публікацый імя Юрыя Атамана

GPPAC абвяшчае пра пачатак прыёму заявак для ўдзелу ў IV Міжнародным конкурсе публікацый пра талерантнасць, інтэграцыю, узаемапавагу і паразуменне ў грамадстве, размешчаных у 2013 годзе ў друкаваных і электронных СМІ Беларусі, Малдовы, Расіі і Украіны.

18.11.2013 У Гомелі затрымліваюць за расклейванне антыалкагольных улётак

16 лістапада прыкладна а 21.40 на тэрыторыі Савецкага раёна Гомеля міліцыянты затрымалі сустаршыню міжнароднай грамадскай арганізацыі «Малады фронт» (Чэхія) Андрэя Цянюту і яго таварыша Станіслава Булу. Яны расклейвалі ўлёткі антыалкагольнай тэматыкі.

17.11.2013 Прызначаны разгляд касацыйнай скаргі па справе “Вольнага гораду”

Судовая калегія па грамадзянскіх справах Магілёўскага абласнога суда разгледзіць касацыйную скаргу выдаўца газеты “Вольны горад” 4 снежня. Адпаведнае паведамленне атрымаў выдавец газеты “Вольны горад” Уладзімір Кудраўцаў 16 лістапада з суда Крычаўскага раёна.

17.11.2013 Мінаблвыканкам парушэння правоў беларускамоўных на Салігорскім тэлеканале не ўбачыў

Для беларускамоўнага асяродку Салігоршчыны ў эфіры СТК нават выходзіць адпаведны беларускамоўны праект “Людзі нашай старонкі”, у якім распавядаецца пра светлае мінулае і не менш светлае будучае беларускай вёскі. Патрабаванне выкарыстоўвання беларускай мовы ў навінавых ды іншых папулярных праграмах чыноўнікамі было наўпрост праігнаравана.