Праваабарончы цэнтр «ВЯСНА»

Навіны за Лістапад 2012

25.11.2012 “Славянскі марш” у Магілёве сабраў ад 30 да 40 прыхільнікаў

“Славянскі марш” быў санкцыяваны ўладамі не з першай спробы. Дагэтуль Дзмітрый Дзенісенка некалькі разоў спрабаваў атрымаць дазвол на яго правядзенне, аднак мясцовыя ўлады не дазвалялі мерапрыемства па розных прычынах, у тым ліку таму, што арганізатар не браў на сябе падчас правядзення мерапрыемства ўсе абавязальніцтвы, прадугледжаныя законам.

24.11.2012 Праз год пасля вынясення прысуду Алесю Бяляцкаму пераслед Праваабарончага цэнтра "Вясна" працягваецца

Праз год пасля вынясення прысуду Алесю Бяляцкаму Абсерваторыя па абароне правоў праваабаронцаў, Сумесная праграма Міжнароднай Федэрацыі за правы Чалавека (FIDH) і Сусветнай Арганізацыі супраць катаванняў (OMCT), па-ранейшаму вельмі занепакоеная яго лёсам і пастаянным пераследам супрацоўнікаў праваабарончага цэнтра "Вясна", а таксама іншых праваабаронцаў краіны.

23.11.2012 Міжнародныя праваабаронцы: «Вызваліце Бяляцкага!»

24 лістапада спаўняецца год як асудзілі Алеся Бяляцкага. З гэтай нагоды Абсэрваторыя па абароне правоў праваабаронцаў, сумесная праграма Міжнароднай Фэдэрацыі за правы Чалавека (FIDH) і Сусьветнай арганізацыі супраць катаваньняў, выказала занепакоенасьць лёсам Бяляцкага і перасьледам супрацоўнікаў праваабарончага цэнтру «Вясна», а таксама іншых праваабаронцаў Беларусі.

23.11.2012 Міліцыя шантажуе праваабаронцу Леаніда Судаленку

Праваабаронца Леанід Судаленка 23 лістапада выехаў цягніком з Гомеля ў Мінск, каб вылецець у Страсбург, куды ён запрошаны для ўдзелу ў мерапрыемствах Савета Еўропы. Калі праваабаронца ехаў у цягніку, яму на мабільны тэлефон патэлефанаваў невядомы, які прадставіўся супрацоўнікам Савецкага РАУС Гомеля і ў катэгарычнай форме запатрабаваў тэрмінова з'явіцца ў аддзел міліцыі, прычым без тлумачэння прычыны.

23.11.2012 Бярозаўскім школьнікам распавялі пра праблему хатняга гвалту

Кіраўнік жаночага грамадскага аб’яднання “Правінцыя” Алена Аўтушка ў межах праграмы супольнага праекта ААН і Міністэрства працы і сацыяльнай абароны Рэспублікі Беларусь правяла тэматычныя заняткі для вучняў 11–х класаў сярэдняй школы № 1 горада Бярозы.

23.11.2012 Адміністратыўны працэс над Міколам Уласевічам расцягваецца

23 лістапада ў Астравецкім раённым судзе павінен быў адбыцца працяг адміністратыўнага працэсу над Мікалаем Уласевічам, якога вінавацяць нібыта ў непадпарадкаванні службовым асобам у час выканання тымі сваіх абавязкаў. Аднак, сённяшняе паседжанне суду, прызначанае на 15.00, хутчэй усяго не адбудзецца.

23.11.2012 У Наваполацку збіраюць грошы для сям'і затрыманага Андрэя Гайдукова

Збор сродкаў для сям'і наваполацкага актывіста, які знаходзіцца зараз у СІЗА КДБ, ініцыявала суполка "Свабодны рэгіён". Банкаўскія рэквізіты для тых, хто захоча пералічыць грошы, размешчаны на сайце http://freeregion.info.

23.11.2012 Праваабаронца Барыс Бухель патрабуе ад міліцыі абвяржэння несапраўднай інфармацыі

Адпаведную прэтэнзію ён накіраваў на адрас начальніка УУС Магілёўскага аблвыканкаму сп. Балейкі. Нагодай для гэтага стала публікацыя, змешчаная на сайце ўпраўлення пад назвай «Каждый, право, имеет право…», или какое право защищает правозащитник Борис Бухель?»

23.11.2012 Брэст: інваліды па зроку дамагаюцца раўнапраўя

Старшыня праўлення Брэсцкай абласной арганізацыі грамадскага аб'яднання “БелТІЗ” Ірына Юрэня лічыць, што рэабілітацыя людзей са слабым зрокам ёсць комплекснай праблемай усяго грамадства, таму варта прыцягнуць найбольш увагі да яе з боку дзяржаўных і грамадскіх структур, бо праблема тычыцца амаль трох тысч чалавек толькі на Берасцейшчыне.

23.11.2012 Ігар Сімбіроў працягвае дамагацца ад КДБ вяртання гітары

Музыкант з Асіповічаў Ігар Сімбіроў 22 лістапада зноў звярнуўся ў КДБ з патрабаваннем вярнуць канфіскаваныя пасля Плошчы-2010 гітару, нэтбук і прыватныя дзённікі. Ён кажа, што надзея на іх вяртанне з’явілася са зменай кіраўніцтва КДБ.

23.11.2012 Андрэю Гайдукову не перадаюць лекі і лісты

"Нічога недазволенага мы не пісалі, але лісты чамусьці яму не перадаюць. І не перадалі ўсе лекі – сказалі, што трэба медычнае пацверджанне, што яны неабходныя. У Андрэя хворае сэрца, яго нават не ўзялі ў войска з-за гэтай хваробы", - распавядае Вольга Гайдукова, маці жыхара Наваполацка, які зараз знаходзіцца ў СІЗА КДБ.

23.11.2012 Алеся Бяляцкага ўганаравалі прэміяй імя Петры Келі

Увечары 22 лістапада ў Берліне Наталля Пінчук атрымала прэмію імя Петры Келі, якую фонд імя Генрыха Бёля прысудзіў палітзняволенаму кіраўніку беларускага праваабарончага цэнтру "Вясна" Алесю Бяляцкаму.

22.11.2012 “Вясна” запрашае!

26 лістапада ў 10 гадзін раніцы будуць канфіскаваныя офіс і маёмасць Праваабарончага цэнтру “Вясна”. Мы запрашаем з 9 да 10 гадзін раніцы журналістаў, калег- праваабаронцаў і ўсіх тых, каму ў “Вясне” было сапраўды ўтульна і спагадна, разам правесці гэты час ды паўдзельнічаць у невялікім брыфінгу.

22.11.2012 На Алеся Кіркевіча заведзена адміністратыўная справа

22 лістапада ў Ленінскім РАУСе Гародні Кіркевічу паведамілі, што ў дачыненні да яго ідзе адміністратыўны працэс і задалі некаторыя пытанні, якія былі аформлены ў выглядзе пратаколу апытання.

22.11.2012 Гомельская раёнка асуджае Літву за рассакрэчванне агентаў КДБ

Журналіст з гомельскай газеты «Савецкі раён» Аляксандр Яўсеенка ў сваім артыкуле асуджае літоўскія ўлады за рассакрэчванне архіваў КДБ, пераключаючыся на працу сучасных беларускіх спецслужбаў.