Праваабарончы цэнтр «ВЯСНА»

Навіны за Лістапад 2012

27.11.2012 У Беларусі няма дзяржаўнай праграмы па дапамозе ўцекачам

Такую заяву зрабілі прадстаўнікі ўпраўлення Вярхоўнага камісара ААН па справах уцекачоў падчас семінара “Інтэграцыя ўцекачоў у Беларусі, Малдове і Украіне”, які адбыўся ў Брэсце.

26.11.2012 «Міжнародная амністыя»: канфіскацыя офіса «Вясны» з'яўляецца абуральным парушэннем міжнародных абавязацельстваў Беларусі

«Канфіскацыя офіса праваабарончага цэнтра "Вясна " з'яўляецца абуральным парушэннем міжнародных абавязацельстваў Беларусі ў галіне правоў чалавека, у тым ліку права на свабоду асацыяцыяў», - заявіў 26 лістапада намеснік дырэктара праграм праваабарончай арганізацыі "Міжнародная амністыя" для Еўропы і Цэнтральнай Азіі Давід Дыяс-Жаж’е .

26.11.2012 Канфіскаваны офіс і маёмасць "Вясны" (+відэа)

Сёння па рашэнні суда быў канфіскаваны офіс, дзе 12 год працаваў праваабарончы цэнтр. Развітацца з офісам прыйшлі не толькі вясноўцы, але і калегі, сябры арганізацыі.

26.11.2012 Івацэвіцкая раёнка перастаралася з усхваленнем

На першай паласе газеты “Івацэвіцкі веснік” выйшаў хвалебны артыкул пад назвай “Новы цэх ААТ “Івацэвічдрэў”, апублікаваны напярэдадні прыезду ў Івацэвічы Аляксандра Лукашэнкі. Гендырэктара менавіта гэтага прадпрыемства Лукашэнка пасля зняў з пасады за безгаспадарлівасць.

26.11.2012 “Свіслацкая справа” – колькасць “парушальнікаў” расце

Працягваюцца адміністрацыйныя працэсы ў дачыненні да грамадскіх актывістаў, што ўдзельнічалі ў святкаванні Дня памяці паўстанцаў 1863 году, якое адбылося яшчэ 27 кастрычніка. А тым часам кола “парушальнікаў” павялічваецца. У міліцыю горада Бярозаўка быў выкліканы рэгіянальны кіраўнік “Руху за свабоду” Сяргей Трафімчык.

26.11.2012 Здабытчыкі медзі зноў зняважылі помнік ахвярам фашызму пад Баранавічамі

Мясцовыя вандалы ў чарговы раз зняважылі мемарыяльны помнік ахвярам фашызму ў Гаю - невялікім лесе, які расце адразу за Баранавічамі. Ніжняя частка манумента – скульптура з узнятымі да неба рукамі людзей – па-варварску апаганена дзеля здабычы некалькі кілаграмаў медзі.

26.11.2012 Віцебскім студэнтам не пакажуць карціны Алеся Марачкіна

Выстава твораў вядомага мастака была запланаваная для экспанавання ў выставачнай залі мастацка-графічнага факультэта Віцебскага дзяржаўнага ўніверсітэта яшчэ з вясны. Яна мусіла адчыніцца 30 лістапада. Але за пяць дзён да адкрыцця дэкан факультэту заявіў, што ВДУ праходзіць пераатэстацыю і заля будзе занятая пад іншую выставу.

26.11.2012 Ігар Случак прапаноўвае прэміраваць чыноўнікаў за справаводства па-беларуску

Каардынатар грамадзянскай кампаніі «Справаводства па-беларуску!» Ігар Случак накіраваў у Савет Рэспублікі прапановы па папулярызацыі беларускай мовы. У сваім звароце ён нагадвае дэпутатам, што беларуская мова практычна не ўжываецца ні ў справаводстве, ні ў паўсядзённым жыцці.

26.11.2012 У Баранавіцкім судзе ў кнізе скаргаў спісаны нават вокладкі

У Баранавіцкім судзе няма кнігі скаргаў. Так сказалі прадпрымальніку Міколу Чарнавусу, калі ён 26 лістапада ў чарговы раз спрабаваў атрымаць судовае рашэнне, і ў чарговы раз яму гэта не ўдалося. М.Чарнавус папрасіў кнігу скаргаў. Яму адмовілі са словамі: “Кніга скаргаў уся спісаная ўжо”.

26.11.2012 “Граніт” трапіў у спіс нядобранадзейных прадпрыемстваў

За парушэнні правоў сяброў незалежнага прафсаюзу “Граніт” трапіў у спіс нядобранадзейных прадпрыемстваў. Такое рашэнне прыняла Міжнародная арганізацыя працы ў адносінах да прадпрыемства ў Мікашэвічах, дзе сёлета працягваўся ціск з боку адміністрацыі на актывістаў незалежнага прафсаюзнага руху, а некаторыя з іх былі звольненыя.

26.11.2012 Салігорскі суд тры месяцы не аддае рашэнне

Ужо больш за паўгады цягнецца справа салігорскага маладафронтаўца Андрэя Тычыны, датычная забароны велапрабегу ў падтрымку нацянальнай беларускай сімволікі - бел-чырвона-белага сцяга і герба "Пагоня". Палову гэтага тэрміну маладзён наўпрост не можа атрымаць рашэнне Мінскага абласнога суда па сваёй справе.

26.11.2012 У Баранавічах плануецца пікет у Дзень правоў чалавека

Грамадскі актывіст Віктар Сырыца і праваабаронца Сяргей Гоўша 23 лістапада падалі заяву на імя старшыні Баранавіцкага гарвыканкама аб правядзенні пікета, прысвечанага Міжнароднаму дню правоў чалавека. Мэта пікету – прапаганда каштоўнасцяў, закладзеных ва Усеагульнай Дэкларацыі правоў чалавека.

26.11.2012 У Магілёве абмеркавалі, як журналістам сябе паводзіць у канфліктных сітуацыях

23 лістапада ў Магілёве ў грамадскім цэнтры “Кола” адбылася прэзентацыя дапаможніка па бяспецы для беларускіх журналістаў “У зоне рызыкі” і дакументальнага фільма ўкраінскага кінарэжысёра Ігара Чайкі “Бяспека журналістаў. Украінскі практыкум”.

26.11.2012 Заява Праваабарончага цэнтру “Вясна”

Рэпрэсіі супраць кіраўніка і сяброў Праваабарончага цэнтру “Вясна”, а таксама канфіскацыя маёмасці не спыняць нашу працу, мы не згорнем ніводнага з напрамкаў легітымнай дзейнасці арганізацыі па абароне правоў чалавека. Усе ахвяры парушэнняў правоў чалавека па-ранейшаму могуць разлічваць на нашу дапамогу і падтрымку.

26.11.2012 Cтудэнцкага лідэра з Украіны не пусьцілі ў Беларусь

Прэзыдэнта Украінскай асацыяцыі студэнцкага самакіраваньня Лізавету Шчапяцільнікаву не пусьцілі ў Беларусь, куды яна накіроўвалася для сустрэч са студэнцкімі актывістамі.