Праваабарончы цэнтр «ВЯСНА»

Навіны за 6 лістапада 2012

06.11.2012 Затрыманы маладафронтавец Уладзімір Яроменак

Каля 18 гадзінаў стала вядома, што ў Мінску на плошчы Незалежнасці затрыманы маладафронтавец Уладзімір Яроменак. Абставіны ягонага затрымання дакладна невядомыя, але не выключана, што гэта прэвентыўнае затрыманне напярэдадні афіцыйнага свята -- 7 лістапада. Былы палітвязень знаходзіцца ў РАУСе Маскоўскага раёну сталіцы.

06.11.2012 Слонім: за бясплатныя кансультацыі патрабуюць плаціць падаткі

Слонімскага доктара, актывіста Партыі БНФ Івана Шэгу выклікалі ў мясцовую інспекцыю па падатках і зборах па Слонімскаму раёну, дзе яму выказалі заўвагі наконт таго, што ён не адлічае падаткаў за дзейнасць недзяржаўнай асветніцка-кансультатыўнай установы “Шэгамедкансульт”.

06.11.2012 Аляксандру Францкевічу дазволілі доўгатэрміновае спатканне з роднымі

Яно працягнецца тры дні і пройдзе на тэрыторыі Івацэвіцкай калоніі “Воўчыя норы”, дзе адбывае пакаранне Аляксандр. Пра гэта Рацыі паведаміла маці палітвязня Таццяна Францкевіч. Па яе словах, апошні раз яна была сына на доўгатэрміновым спатканні мінулай восенню

06.11.2012 Палітвязні - тупіковая сітуацыя для ўлады

Ціск на палітвязняў, асабліва на Зміцера Дашкевіча, лідары і актывісты вымушаны эміграваць за мяжу - так выглядае зараз сітуацыя ў апазіцыі. А яе інакш, як драматычнай, не назавеш, кажа палітвязень Павел Севярынец:

06.11.2012 Павел Сапелка - лаурэат прэстыжнай прэміі “За абарону правоў чалавека”

Паведамленне пра гэта прыйшло ад Савета адвакацкіх аб’яднанняў і юрыдычных таварыстваў Еўропы. Эксперты адзначаюць важнае значэнне дзейнасці Паўла Сапелкі, яго настойлівасць, адданасць справе і смеласць у падтрымцы фундаментальных каштоўнасцяў.

06.11.2012 Марына Адамовіч: Статкевіча ізалююць, бо не могуць зламаць

Па словах жонкі палітвязня, Статкевічу хочуць стварыць такія ўмовы, як быццам яго ўсе забыліся. Ён ні разу не атрымаў ніводнай перададзенай яму газеты, брашуры ці кнігі.

06.11.2012 Рабочых нацкоўваюць на незалежныя прафсаюзы

Адміністрацыя Бабруйскага завода трактарных дэталяў вінаваціць лідара Свабоднага прафсаюза прадпрыемства ў жаданні пазбавіць людзей права на працу.

06.11.2012 Лукашэнка выступае за ліквідацыю АБСЕ

Аб гэтым ён заявіў 6 лістапада, адказваючы на пытанні журналістаў.

06.11.2012 Мазырскі праваабаронца паказаў ўладам, як выглядаюць ускраіны горада (фота)

Мазырскі праваабаронца Уладзімір Целяпун звярнуўся з адкрытым лістом да старшыняў райвыканкама і райсавету дэпутатаў, у якім просіць звярнуць увагу на добраўпарадкаванне, дакладней, яго адсутнасць на ўскраінах горада. Да свайго лісту ён прыклаў шмат фота, якія яскрава сведчаць, што робіцца на вуліцах, аддаленых ад цэнтра Мазыра.

06.11.2012 Праваабарончая праграма “Людзьмі звацца!” на Радыё Рацыя

“Падзея тыдня”: працягваюцца рэпрэсіі ў дачыненні да палітвязня Зміцера Дашкевіча. "Асоба. Дзяржава. Грамадства": кыргызскі эксперт Эркін Асаналіеў - пра ўзаемаадносіны народа, дяржавы і праваабаронцаў падчас мітынгаў пратэсту, калі кыргізы патрабавалі звяржэння прэзідэнта Бакіева.

06.11.2012 “Станем за журналістыку!” ў Бабруйску (фота)

Сустрэча ў межах акцыі “Станем за журналістыку!” прайшла ў Бабруйску 6 лістапада, на офісе АГП. Яе арганізатарам стала мясцовая суполка Беларускай асацыяцыі журналістаў. Падтрымаць незалежных журналістаў прыйшло каля 30 чалавек.

06.11.2012 Журналісты Магілёўшчыны падтрымалі акцыю “Станем за журналістыку” (фота)

5 лістапада ў Магілёве ў памяшканні грамадскага цэнтра “Кола” сабраліся журналісты з розных рэгіянальных выданняў Магілёўскай вобласці, каб прыняць удзел у міжнароднай акцыі салідарнасці “Станем за журналістыку!” і падтрымаць сваіх калег, якія пераследуюцца за сваю прафесійную дзейнасць.

06.11.2012 Ларыса Насановіч пра сітуацыю з прэсай у Салігорскім рэгіёне

З нагоды сусветнай акцыі «Станем за журналістыку!» сваім бачаннем сітуацыі вакол працы прадстаўнікоў гэтай прафесіі ў Салігорскім рэгіёне дзеліцца мясцовая журналістка Ларыса Насановіч.

06.11.2012 Брэсцкі ЦУМ хоча судзіцца з экс-кандыдатам у дэпутаты

Амаль праз паўтары месяцы пасля выбараў адміністрацыя гандлёвага аб’екту вырашыла запатрабаваць прабачэнняў за сказ, які быў размешчаны на агітплакаце Аляксандра Мельніка - “Паглядзіце на ЦУМ – ён стаў музеем адных з самых высокіх цэнаў”. Яго апанентам у выбарчай кампаніі быў генеральны дырэктар ААТ “Брэсцкі цэнтральны універмаг” Віктар Валюшыцкі, які і быў абвешчаны дэпутатам.