Праваабарончы цэнтр «ВЯСНА»

Навіны за Лістапад 2012

22.11.2012 Затрыманне за распаўсюд "Хартыі'97"

Прыблізна ў 15:30 каля ўнівермага "Беларусь" на Партызанскім праспекце ў Менску супрацоўнікі міліцыі затрымалі двух актывістаў "Еўрапейскай Беларусі" - Сяргея Казакова і Валянціну Цюраву, якія раздавалі газету "Хартыя'97". Затрыманых даставілі ў Заводскі РУУС.

22.11.2012 Камітэт па правах чалавека ААН прызнаў парушэнні па справе Уладзіслава Кавалёва

Маці расстралянага Уладзіслава Кавалёва атрымала рашэнне КПЧ ААН. Зварот быў разгледжаны ў рэкордна кароткі тэрмін - меньш за год. Камітэт прызнаў, што следства праводзілася са шматлікімі памылкамі, да Кавалёва прымянялася фізічная сіла і прымус даваць паказанні супраць сябе, суд не быў бесстароннім і, галоўнае, было парушана права на жыццё.

22.11.2012 У Магілёве дазволена акцыя радыкалаў

“Славянскі марш”, які першапачаткова планаваўся на 11 лістапада, пасля падачы паўторнай заяўкі дазволены гарадскімі ўладамі. Арганізатар мерапрыемства пазіцыянуе сябе чалавекам, які не належыць да грамадскіх і палітычных арганізацый, аднак з’яўляецца нефармальным сябрам адной з радыкальных арганізацый.

22.11.2012 Андрэй Пачобут і Алесь Бяляцкі – кандыдаты ад БАЖ на ўзнагароду “За свабоду выказвання-2013”

Штогод міжнароднае аб’яднанне “Index on Censorship” (“Індэкс цэнзуры”) адзначае шэраг асоб і арганізацый з усяго свету, якія паказалі надзвычайную смеласць і крэатыўнасць у справе абароны свабоды слова.

22.11.2012 Міліцыі не дае спакою памяць пра паўстанцаў

Сёння, 22 лістапада, у Ленінскі РАУС Гародні па факце ўшанавання паўстанцаў 1863 году ў Свіслачы і Якушоўцы выкліканы грамадскі актывіст, былы палітвязень Алесь Кіркевіч. Яго сустрэча з намеснікам начальніка РАУСу Паўлам Лапата павінна адбыцца а 15-й гадзіне.

22.11.2012 У калоніі, дзе ўтрымліваецца Алесь Бяляцкі, каля 20 ВІЧ-інфікаваных

У электроннай версіі бабруйскай газеты “Коммерческий курьер” размешчаны рэпартаж з калоніі №2, дзе зараз адбывае пакаранне палітвязень, кіраўнік Праваабарончага цэнтру “Вясна” Алесь Бяляцкі. Матэрыял “Контингент особого назначения” даволі вялікі, з фотаздымкамі, у ім распавядаецца пра побыт зняволеных.

22.11.2012 Жлобінская міліцыя не стала ўзбуджаць адміністрацыйную справу ў дачыненні да сябра “Справядлівага свету”

Нагадаем, пасля выбараў жлобінская міліцыя праводзіла праверку па факту канфліктнай сітуацыі паміж назіральніцай Ілонай Ткачовай і выбаршчыкам Бабаньковым, які прагаласаваў на адным з участкаў за сябе і сваю жонку.

22.11.2012 Бялынічы: Школьнікаў пакаралі за адмову ад прымусовай працы

Навучэнцы сярэдняй школы № 1 імя Мікалая Пашкоўскага гарадскога пасёлка Бялынічы, якія адмовіліся ў кастрычніку гэтага года выязджаць на сельгаспрацы па ўборцы бульбы ў гаспадаркі раёна, павінны ў другой навучальнай чвэрці трыццаць пяць дзён аддзяжурыць у сваіх класах, ажыццяўляючы іх прыборку.

22.11.2012 Праваабаронцу Леаніда Судаленку падатковая аштрафавала на 500 тысяч

Штраф у памеры 5 базавых велічынь (500 тысяч рублёў) атрымаў 21 лістапада па рашэнню Інспекцыі па падатках і зборах па Савецкаму раёну Гомеля праваабаронца Леанід Судаленка. На яго быў складзены адміністрацыйны пратакол па артыкулу 23.9 КаАП (парушэнне прадстаўлення дэкларацыі).

22.11.2012 Андрэй Юраў ўзначаліў Рабочую групу па правах чалавека за мяжой у складзе Рады пры Прэзідэнце РФ

Створаная Пастаянная рабочая група па правах чалавека за мяжой у складзе Рады пры Прэзідэнце Расійскай Федэрацыі па развіцці грамадзянскай супольнасці і правах чалавека. Яе кіраўніком стаў праваабаронца Андрэй Юраў. Усяго сфарміраваны 19 рабочых груп рознай тэматыкі.

21.11.2012 Актывісту мяняюць змену – у Івацэвічы едзе Лукашэнка

Слесару “Водаканала” Івацэвіцкай жыллёва-камунальнай гаспадаркі Станіславу Халадовічу патэлефанаваў начальнік участка Ўладзімір Дзягцярык і паведаміў, што ягоная працоўная змена пераносіцца з чацвярга на пятніцу. Калі Халадовіч спытаў, па якой прычыне, начальнік адказаў, што сам мусіць здагадацца.

21.11.2012 Магілёўшчына: у прафсаюзе работнікаў адукацыі і навукі павінна быць 100% працоўных гэтай сферы

“Пуцёўкі, экскурсіі, санаторыі – гэта ўсё добра, але гэта далёка не галоўная мэта прафсаюзу. Прафсаюз мусіць абараняць у першую чаргу працоўныя правы работнікаў, але пра гэтыя факты нічога не сказана. Дзяржаўныя прафсаюзы работнікаў адукацыі і навукі, як і пры савецкай ўладзе, засталіся сацыяльна-бытавымі аддзеламі".

21.11.2012 Андрэя Стрыжака затрымалі на беларуска-украінскай мяжы

Мытнікі правялі асабісты дагляд каардынатара моладзевай сеткі Прафсаюзу радыёэлектроннай прамысловасці. Ноутбук, які ён меў пры сабе, вымаюць для праверкі.

21.11.2012 Актывіст БХД абскарджвае пастаноўку на прафілактычны ўлік у КДБ

У Магілёве актывіст БХД Алег Аксёнаў праз суд абскарджвае пастаноўку на прафілактычны ўлік у КДБ. Адпаведную скаргу ён накіраваў сёння, 21 лістапада, у суд Ленінскага раёна Магілёва. Алег Аксёнаў хоча, каб суд прызнаў ягоную пастаноўку на прафулік незаконнай, а прафілактычную размову з супрацоўнікамі КДБ неабгрунтаванай.

21.11.2012 Быхаўчанін працягвае змаганне з недобрасумленнымі міліцыянтамі

Жыхар вёскі Дабужа Быхаўскага раёна Магілёўскай вобласці Аляксандр Шачанок працягвае змаганне з супрацоўнікамі міліцыі, якія безадказна ставяцца да выканання сваіх службовых абавязкаў. З траўня гэтага году вясковец дамагаецца ўзбуджэння крымінальнай справы па факце наўмыснага, на яго думку, забруджвання пітной вады ў студні.