Праваабарончы цэнтр «ВЯСНА»

Навіны за Люты 2012

21.02.2012 Адзін з найбольш рэпрэсіўных рэжымаў Эўропы ў дачыненьні да СМІ

21 лютага была абнародаваная штогадовая справаздача Камітэту абароны журналістаў – міжнароднай праваабарончай арганізацыі са штаб-кватэрай у Нью-Ёрку.

21.02.2012 Гарадзенская пракуратура папярэдзіла журналіста Алеся Дзянісава

Гарадзенская абласная пракуратура вынесла сёння, 21 студзеня, афіцыйнае папярэджанне незалежнаму журналісту Алесю Дзянісаву. Гутарку з Дзянісавым вёў намеснік начальніка аддзелу пракуратуры Гарадзенскай вобласці Валеры Павядайка.

21.02.2012 Журналістку БелаПАН Алену Германовіч не дапусцілі на семінар па пытаннях узаемадзеяння ўлады і бізнесу

21 лютага ў Гомелі праходзіць семінар па пытаннях ажыццяўлення прадпрымальніцкай дзейнасці з удзелам старшыні Камітэту дзяржаўнага кантролю Аляксандра Якабсона, Генеральнага пракурора Аляксандра Канюка, старшыні аблвыканкама Уладзіміра Дворніка, прадстаўнікоў структур улады і бізнесу.

21.02.2012 У Віцебску пачаўся суд па справе Сяргея Каваленкі

Сёньня ў 10:30 у судзе Першамайскага раёну Віцебска распачнецца судовы працэс над сябрам КХП-БНФ Сяргеем Каваленкам, якога вінавацяць паводле артыкулу 415 Крымінальнага Кодэксу "ухіленьне ад адбыцьця пакараньня".

21.02.2012 Сёння – Міжнародны дзень роднай мовы

У трынаццаты раз сёлета адзначаецца Міжнародны дзень роднай мовы, абвешчаны Генеральнай канферэнцыяй Арганізацыі Аб'яднаных Нацыяў па пытаннях адукацыі, навукі і культуры ў лістападзе 1999-га году. Упершыню ён святкаваўся 21 лютага 2000-га ў штаб-кватэры ЮНЕСКА ў Парыжы. Гісторыя гэтага Міжнароднага дня мае трагічны пачатак.

21.02.2012 Праваабарончая праграма “Людзьмі звацца!” на Радыё Рацыя

У рубрыцы “Падзея тыдня” – рэзалюцыя Еўрапейскага парламента, прынятая на мінулым тыдні па пытаньні сьмяротнага пакараньня ў Беларусі. Госцем рубрыкі “Асоба. Дзяржава. Грамадства”, стаў актывіст грамадзянскай кампаніі “Еўрапейская Беларусь” Алесь Салдаценка.У “Праваабарончым календары” – Міжнародны дзень роднай мовы, які прыпадае на 21 лютага.

21.02.2012 Пабачыць камеру смяротнікаў можна ў музеі (відэа)

Андрэй Палуда, каардынатар кампаніі "Праваабаронцы супраць смяротнага пакарання" распавядае пра той жах, які перажывае чалавек у камеры смяротнікаў. Здымкі адбываліся ў Музее ахвяраў генацыду жыхароў Літвы (Вільня, Літва) у рэальнай камеры смяротнікаў, праз якую прайшли тысячы ахвяр савецкага рэжыму.

21.02.2012 У Міжнародны дзень роднай мовы – пра набалелае

Палітыка дзяржаўнага двухмоўя паступова прыводзіць да выцяснення беларускага з усіх сфер жыцця. Што гэта – заканамерная з’ява ці мэтанакіраванае знішчэнне ўсяго нацыянальнага? Адказ шукае “Заўтра тваёй краіны”.

21.02.2012 Яшчэ 20-га Алесь Бяляцкі быў на Валадарцы

Пра гэта сябры Праваабарончага цэнтру “Вясна” даведаліся з паштоўкі, атрыманай сёння ад Алеся з менскага СІЗА-1. “Добры дзень! Праездам апынуўся на сваім старым мейсцы ў родных мурах Валадаркі. Адчуваю, хутка паеду (павязуць) далей. Адчуваю вашыя флюіды…” На паштовым штампе прастаўлена дата – 20.02.12.

21.02.2012 Ці адпавядае беларускі ПВКаАП міжнародна-прававым актам?

Заключэння Канстытуцыйнага Суда па гэтым пытанні спрабуе дамагчыся праваабаронца Сяргей Усцінаў. Да думкі аб неабходнасці разгляду адпаведнасці палажэнняў ПВКоАП РБ нормам Міжнароднага пакта аб грамадзянскіх і палітычных правах, ратыфікаванага Беларуссю, ён прыйшоў, назіраючы за адміністратыўнымі працэсамі ў раённых судах Менска і касацыйнай інстанцыі - Менскім гарадскім судзе.

21.02.2012 Затрыманні перад працэсам Сяргея Каваленкі

На пад’ездзе да віцебску супрацоўнікі ДАІ спыняюць машыны з актывістамі, якія едуць на працэс актывіста КХП-БНФ Сяргея Каваленкі. ДПС затрымала Хрыстафора Жаляпава, правяраюць ягоную машыну і дакументы.

21.02.2012 Фотакарэспандэнтку хацелі выдаліць з мерапрыемства ў Брэсцкім гарвыканкаме

Сябра ГА “БАЖ” Мілана Харытонава прыйшла 17 лютага на паседжанне горадабудаўнічай Рады, якая дзейнічае пры Брэсцкім гарвыканкаме, каб зрабіць некалькі фотадзымкаў на замову рэдакцыі “Брестский курьер”.

20.02.2012 Алег Стахаевіч сваё звальненне будзе абскарджваць у судзе

Толькі 20 лютага кіраўнік суполкі незалежнага прафсаюзу на «Граніце» Алег Стахаевіч азнаёміўся з загадам адміністрацыі прадпрыемства аб сваім звальненні з працы, датаваным 16 лютага. На наступны дзень не дапусціць актывіста да працы дапамагала не толькі ахова заводу, але і супрацоўнікі аховы мясцовага РАУС.

20.02.2012 Для напісання дыктоўкі па-беларуску ў Баранавічах не знайшлося памяшкання (дакумент)

Старшыня суполкі Таварыства беларускай мовы Віктар Сырыца звярнуўся да начальніка аддзела культуры Генадзя Чарняўскага з просьбай выдзеліць памяшканне адной з бібліятэк горада з мэтай напісання дыктоўкі па беларускай мове 16 сакавіка бягучага года.

20.02.2012 Праваабаронца патрабуе змяніць меру стрымання для Сяргея Каваленкі

Напярэдадні суду над Сяргеем Каваленкам, прызначанага на 21 лютага, віцебскі праваабаронца Павел Левінаў наведаў Першамайскі райсуд, дзе будуць разглядаць крымінальную справу сябра КХП БНФ. Праваабаронца падаў на імя суддзі Алены Жук пісьмовае патрабаванне замяніць зняволенне на больш мяккую меру стрымання для Сяргея Каваленкі.