Для напісання дыктоўкі па-беларуску ў Баранавічах не знайшлося памяшкання (дакумент)
Старшыня суполкі Таварыства беларускай мовы Віктар Сырыца звярнуўся да начальніка аддзела культуры Генадзя Чарняўскага з просьбай выдзеліць памяшканне адной з бібліятэк горада з мэтай напісання дыктоўкі па беларускай мове 16 сакавіка бягучага года. Але чыноўнік паведаміў, што “памяшканні бібліятэк прызначаны для бібліятэчнага абслугоўвання і правядзення мерапрыемстваў, запланаваных адміністрацыяй цэнтралізаванай бібліятэчнай сістэмы. У планах масавай работы ЦБС Ваша мерапрыемства не прадугледжана. У сувязі з вышэйсказаным, даць памяшканне для правядзення мерапрыемстваў пабочным арганізацыям немагчыма”.
Па словах Віктара Сырыцы, такі адказ – чысты здзек, калі з 57 бібліятэк ні ў воднай не знайшлося памяшкання на паўгадзінкі (час напісання дыктоўкі) для аматараў роднай мовы.
- Трэба заўважыць, што бібліятэкі існуюць за народныя грошы. І вось частцы гэтага народу кіраўнік раённага аддзела Генадзь Чарняўскі плюнуў у твар, - кажа Віктар Сырыца.
