Праваабарончы цэнтр «ВЯСНА»

Навіны за Люты 2012

22.02.2012 Дашкевіча паўторна змясцілі ў ШЫЗА на 10 сутак

Пра гэта Еўрарадыё паведаміла нявеста палітвязня Наста Палажанка.

22.02.2012 Наваполацк: Ператрусам справа не скончылася (копіі пратаколаў вымання)

Падчас допыту Дзмітрыю Рыжычэнка была прад'яўлена флэшка, канфіскаваная работнікамі органаў пры ператрусе, але не занесеная ў пратакол. На флэшцы следчы прадэманстраваў файлы з назвамі «азбука терроризма», «изготовление взрывчатых веществ» і мноства іншых падобнай скіраванасці.

22.02.2012 У Брэсце плануецца пікет у падтрымку Бяляцкага

Заяўка на правядзенне такой акцыі 8 сакавіка ў парку воінаў-інтэрнацыяналістаў, які вызначаны ўладамі для арганізацыі масавых мерапрыемстваў, пададзена ў Брэсцкі гарвыканкам правабаронцам Уладзімірам Вялічкіным.

22.02.2012 Генпракуратура лічыць, што фальсіфікацыі прэзідэнцкіх выбараў не было

Такі адказ атрымалі магілёўскія актывіст Беларускай партыі левых “Справядлівы свет”. Кіраўнік абласной арганізацыі прафесар Валеры Беразіенка адзначае, што запыты ў пракуратуру з мэтай даць прававую ацэнку словам Аляксандра Лукашэнкі, дзе ён казаў, што сфальсіфікаваў апошнія выбары, дасылалі не меней за пяць актывістаў партыі.

22.02.2012 У падтрымку кіраўніка незалежнай прафсаюзнай суполкі “Граніту” будуць пікетаваць

Ініцыятарам правядзення акцыі салідарнасці ў Брэсце з’яўляецца старшыня мясцовага прафсаюза работнікаў радыёэлектроннай прамысловасці Зінаіда Міхнюк, якая збіраецца правесці пікет 7 сакавіка, пра што яна паведаміла ў заяўцы, перададзенай у гарвыканкам.

22.02.2012 Супрацоўнікі КДБ папярэдзілі рэдактара сайта «Свабодны рэгіён»

Супрацоўнікі КДБ запрасілі на неафіцыйную сустрэчу галоўнага рэдактарам сайта «Свабодны Рэгіён» Яўгена Парчынскага. Нагадалі актывісту пра існаванне ў Крымінальным кодэксе артыкулаў аб дыскрэдытацыі Рэспублікі Беларусь у публікацыях, аўдыё, відэа матэрыялах.

22.02.2012 Пракуратура адмаўляецца бараніць права на свабоду сходаў

Пракуратура Салігорскага раёна пакінула без разгляду па сутнасці скаргу мясцовага актвіста Уладзіміра Шылы на бесспадстаўныя забароны пікетаў Салігорскім выканканаўчым камітэтам. Спаслаўшыся на артыкул 7 Закону “Аб масавых мерапрыемствах”, пракурор Салігорскага раёна В. І Бельчын параіў актывісту звярнуцца ў суд.

22.02.2012 Магілёўскія ўлады зрабілі ўсё, каб пікеты супраць збяднення працоўных не адбыліся

“Падчас падачы заяўкі на другі пікет у гарвыканкам мы сутыкнуліся з праблемай таго, што ні міліцыя, ні дарожна-маставое прадпрыемства не жадаюць заключаць з намі дамовы на аказанне паслугаў, якія неабходна рабіць па заканадаўству для правядзення пікетаў".

22.02.2012 Польскіх дэпутатаў не пусьцілі ў Беларусь

Шасьцярых дэпутатаў польскага Сэйму, чальцоў камісіі па сувязях з палякамі замежжа, не ўпусьцілі ў Беларусь – паведаміў старшыня парлямэнцкай камісіі дэпутат Адам Ліпіньскі.

22.02.2012 Паўла Вінаградава жонка адшукала на Акрэсьціна

Актывіст грамадзянскай кампаніі “Гавары праўду” Павел Вінаградаў, месцазнаходжаньне якога ад ад 17-й гадзіны было невядомае, адшукаўся ў Цэнтры ізаляцыі правапарушальнікаў на Акрэсціна. Пра гэта даведалася жонка актывіста Святлана, якая амаль паўночы расшуквала мужа па міліцэйскіх пастарунках.

22.02.2012 Фядыніча знялі з цягніка «Вільня — Мінск» і трымаюць на мяжы

Кіраўніка незалежнага прафсаюзу радыёэлектроннай прамысловасці Генадзя Фядыніча беларускія памежнікі вечарам 21 лютага знялі з цягніка «Вільня — Мінск». Прычыны затрымання прафсаюзнага лідара пакуль невядомыя.

21.02.2012 Журналіста Віктара Парфёненку не акрэдытоўваюць, але папярэджваюць

Журналіст з Гародні Віктар Парфёненка, які тройчы цягам трох гадоў падаваў паперы на афіцыйную рэгістрацыю ў якасці журналіста Беларускага Радыё Рацыя, 21 лютага быў выкліканы ў Гарадзенскую абласную пракуратуру для абвешчання афіцыйнага папярэджанне за працу без акрэдытацыі.

21.02.2012 Замежных журналістаў ўзнагародзілі за артыкулы пра Беларусь

Шэсьць міжнародных журналістаў сталі пераможцамі конкурсу “Беларусь у фокусе сьвету”. Арганізатарам конкурсусу быў Інфармарцыйны офіс салідарнасьці з Беларусьсю ў Варшаве. Яго мэта – заахвоціць замежных журналістаў беларускай тэматыкай і прыцягнуць увагу міжнароднай грамадзкасьці да надзённых праблемаў Беларусі. На сустрэчы з пераможцамі пабываў карэспандэнт Аляксандар Папко.

21.02.2012 Па-беларуску вучыцца толькі 0,9% студэнтаў ВНУ

Хоць роднай назвалі беларускую мову 60% насельніцтва.

21.02.2012 Беларуская мова паводле экспертаў ЮНЭСКА знаходзіцца ў небяспецы

Facebook і Vkontakte могуць выратаваць рэдкія мовы, якім пагражае знікненне. Да такой высновы прыйшлі брытанскія навукоўцы. З прыкладна 7000 моў, якія зарэгістраваныя ў свеце на сённяшні дзень, палова можа знікнуць да канца стагоддзя, лічаць лінгвісты.