Супрацоўнікі КДБ папярэдзілі рэдактара сайта «Свабодны рэгіён»

Супрацоўнікі КДБ запрасілі на неафіцыйную сустрэчу галоўнага рэдактарам сайта «Свабодны Рэгіён» Яўгена Парчынскага (на фота злева).

Па словах Яўгена, пры сустрэчы супрацоўнік дзяржбяспекі пачаў задаваць пытанні датычна яго ўдзелу ў «Рэвалюцыі праз сацыяльныя сеткі». Нагадалі актывісту і пра існаванне ў Крымінальным кодэксе артыкулаў аб дыскрэдытацыі Рэспублікі Беларусь у публікацыях, аўдыё, відэа матэрыялах, а таксама пра тое, што займаючыся журналісцкай дзейнасцю без акрэдытацыі, ён парушае існуючае заканадаўства.

Гэтая сустрэча, на думку Яўгена, звязаная таксама з нядаўнім сходам прадстаўнікоў дэмакратычных партый і арганізацый Полацка і Наваполацка з нагоды маючых адбыцца парламенцкіх выбараў, адным з арганізатараў якой ён быў.