У Брэсце плануецца пікет у падтрымку Бяляцкага
Алесь Бяляцкі падчас суду
Заяўка на правядзенне такой акцыі 8 сакавіка ў парку воінаў-інтэрнацыяналістаў, які вызначаны ўладамі для арганізацыі масавых мерапрыемстваў, пададзена ў Брэсцкі гарвыканкам правабаронцам Уладзімірам Вялічкіным.
“Я лічу, што калі чалавек, які прысвяціў сваё жыццё абароне правоў чалавека і дапамозе іншым людзям, а зараз сам патрабуе дапамогі, мы павінны гэта зрабіць”, - кажа Уладзімір Вялічкін. Паводле яго словаў, мэта пікета – не толькі праінфармаваць грамадскасць пра прысуд, які вынесены ў адносінах да кіраўніка Праваабарончага цэнтра “Вясна” Алеся Бяляцкага (4,5 гады пазбаўлення волі з канфіскацыяй маёмасці), але і нагадаць пра сітуацыю з правамі чалавека ў Беларусі ўвогуле, якая не можа пакінуць сумленных людзей абыякавымі.
