Праваабарончы цэнтр «ВЯСНА»

Навіны за Сьнежань 2011

20.12.2011 У Бярозе запалілі “свечкі надзеі”

У Бярозе ля пад’ездаў аднаго са шматкватэрных дамоў былі заўважаны аб’явы ад рукі на беларускай і рускай мовах: “Страна во тьме, зажги свечу надежды 19.12 – 19.00”. И роўна а 19-ай у двух вокнах загарэліся свечкі. У трэцім акне загарэлася свечка пазней. Свечкі гарэлі роўна гадзіну.

20.12.2011 У калонію да Саннікава прыязжалі з кнігамі і свечкамі

Начальнік калоніі Віталь Агністыкаў паведаміў віцебскім актывістам Сяргею Парсюкевічу і Ўладзіславу Варанецкаму, што асабіста прыняў рашэнне ізаляваць зняволенага Саннікава ад любых зносінаў, у тым ліку і з адвакатамі.

19.12.2011 Ізноў 19 сьнежня: хроніка падзеяў (аднаўляецца)

22-00. Апошнія затрыманыя ў гэты дзень - актывісты Руху "За свабоду" - Арцём Лява і Юрась Шпак-Рыжкоў. Яны былі затрыманыя ў Серабранцы і дастаўленыя ў Ленінскі РУУС.

19.12.2011 Старшыня Першамайскага суду адмовілася перарабіць дазвол на спатканьне Алеся Бяляцкага з бацькам

Старшыня суда Першамайскага раёна Менска Тамара Высоцкая, да якой у другі раз сёньня зьвярнулася жонка праваабаронцы Алеся Бяляцкага Наталля, адмовілася перарабляць дазвол на спатканьне асуджанага з родным бацькам. Апошняя надзея - на Дэпартамент выкананьня пакараньняў, куды разам з адвакатам Наталля аднесла заяву. Паперы прынялі і прапанавалі за адказам прыйсьці заўтра.

19.12.2011 Пытанні да ўлады з'явіліся на рэкламных стэндах Оршы

Калі вызваляць палітвязняў? Колькі засталося чакаць зарплаты ў 500 даляраў? Чаму нельга пляскаць у далоні? Калі спыніцца рост коштаў? Хто і навошта падарваў метро? Плакаты з гэтымі і іншымі пытаннямі да дзеючай улады з'явіліся на рэкламных стэндах Оршы 19 снежня - у гадавіну крывавага разгону мітынгу пратэсту ў Мінску.

19.12.2011 “Год пасля. У Беларусі працягваюцца рэпрэсіі”

19 снежня мінулага года мы сталі сведкамі таго, як тысячы мірных грамадзян сабраліся ў цэнтры Менску ў знак пратэсту супраць прыгнёту і фальсіфікацыяў на прэзідэнцкіх выбарах. У тую ноч ўсе надзеі на прагрэс былі разбураныя, пасля таго як мы пабачылі, як праваахоўныя сілы збівалі пратэстуючых і арыштоўвалі іх сотнямі.

19.12.2011 У Гародні міліцыя папярэджвае актывістаў АГП

У Гародні напярэдадні 19-га снежня ўчастковыя міліцыянты наведаліся ў кватэры мясцовых лідараў АГП Юрыя Істоміна і Дзмітрыя Бандарчука. Абодвух папярэдзіл пра недапушчальнасць несанкцыянаваных акцый і адказнасць паводле Адміністрацыйнага кодэксу.

19.12.2011 У Слоніме прыгадалі Плошчу

Сябры згуртавання дэмакратычных сіл Слоніма, куды ўваходзяць кіраўнікі слонімскіх дэмакратычных партый і арганізацый, сёння сабраліся на сваю чарговую сустрэчу. Мерапрыемства яны цалкам прысвяцілі аналізу падзеяў, звязаных з прэзідэнцкімі выбарамі 19 снежня 2010 года.

19.12.2011 У Віцебску затрымалі Сяргея Каваленку

У дні, калі адбывюцца маштабныя апазіцыйныя акцыі, прэвентыўна затрымліваць спадара Каваленку стала ўжо “традыцыяй”. Але гэтым разам супрацоўнікі Першамайскага РАУС заявілі, што актывісту, пакаранаму “хатняй хіміяй”, можа быць зменены рэжым пакарання -- на турэмнае зняволенне.

19.12.2011 Барысаў: у гадавіну Плошчы - чаканая «ўвага» сілавікоў

Сёння раніцай адзін з барысаўскіх дэмакратычных актывістаў, давераная асоба кандыдата ў прэзідэнты на выбарах 2010 года Уладзіміра Някляева, сябра Аб'яднанай грамадзянскай партыі Міхаіл Васільеў заўважыў, што каля яго дома дзяжурыць «падазроны» «жыгулёнак».

19.12.2011 Грамадскія актывісты Баранавічаў напісалі лісты палітвязням

"Мінуў год з тых драматычных падзей, якія адбыліся 19 снежня 2010 года ў Мінску. Мы, безумоўна, хацелі не толькі маральна падтрымаць палітвязняў, але і выказалі надзею аб найхутчэйшым іх вызваленні, неабходнасці аб’яднаньня ўсіх дэмакратычных сілаў краіны".

19.12.2011 Актывісткі FEMEN распрануліся каля беларускага КДБ

19 снежня ў Мінску каля будынка КДБ актывісткі FEMEN правялі акцыю, прымеркаваную да гадавіны падзей Плошчы. Яны раздзеліся і разгарнулі плакаты з надпісамі «Жыве Беларусь!»

19.12.2011 Віцебскіх актывістаў затрымалі па дарозе ў Шклоў

Яны збіраліся наведаць калонію, дзе адбывае пакаранне Мікола Статкевіч. Аднак супрацоўнікі ДАІ спынілі машыну, якой кіраваў віцебскі каардынатар руху “За свабоду”, яшчэ на выездзе з Віцебска.

19.12.2011 Сябры БАЖ павіншавалі палітзняволеных

Падчас сустрэчы ў Брэсце кіраўнікі філій грамадскага аб’яднання “Беларуская асацыяцыя журналістаў” і маладыя актывісты гэтай арганізацыі напісалі лісты і паштоўкі Каляднымі віншаваннямі сябрам БАЖ Алесю Бяляцкаму, Паўлу Севярынцу, Дзмітрыю Бандарэнку і Яўгену Васьковічу, што знаходзяцца зараз у няволі.

19.12.2011 Гомельскія дэмакраты пра Андрэя Зайцава: «Памятаць, каб не паўтаралася»

18 снежня гомельскія дэмакраты, актывісты кааліцый АДС і «Наша альтэрнатыва» ўшанавалі памяць Андрэя Зайцава, сябра руху супраціву «Зубр», які трагічна загінуў — скончыў жыццё самагубствам 20 снежня 2001 года. Паплечнікі і сябры загінуўшага ўпэўнены, што маладога чалавека зацкавалі супрацоўнікі КДБ.