Праваабарончы цэнтр «ВЯСНА»

Навіны за 13 сьнежня 2011

13.12.2011 У Бялыніцкім раёне таксама практыкуецца прымусовая падпіска на дзяржвыданні

У Бялыніцкім раёне па-ранейшаму працягваецца практыка прымусовай падпіскі на дзяржаўныя СМІ. У прыватнасці, настаўнікі і выхавацелі дзіцячых садкоў скардзяцца на тое, што чыноўнікі з аддзела адукацыі райвыканкама настойліва “рэкамендуюць” падпісвацца на пэўныя выданні і абяцаюць праблемы, калі хто на гэтыя выданні падпісацца не захоча.

13.12.2011 Бабруйскія дэмакраты склалі свае “чорныя спісы”

Дэмакратычныя актывісты Бабруйска просяць уключыць у спісы невыязных некалькі мясцовых супрацоўнікаў гарвыканкама, міліцыі і суда. То бок, тых людзей, якія на працягу бягучага года чынілі рэпрэсіўныя дзеянні ў дачыненні да іншадумцаў - пераследвалі, выносілі палітычна-матываваныя выракі.

13.12.2011 Алесь Бяляцкі прызнаны праваабаронцам года

13 снежня вядучыя праваабарончыя арганізацыі Беларусі ўручылі нацыянальную прэмію за выключныя дасягненні ў галіне абароны правоў чалавека - у намінацыях “Праваабаронца года 2011”, “Адвакат года 2011” і “Журналіст года 2011”. Адвакатамі года абвешчаныя Марына Кавалеўская і Дар’я Ліпкіна, журналістамі года — майстры фота Юлія Дарашкевіч і Уладзь Грыдзін.

13.12.2011 Аспіранта Аляксея Паўлоўскага адлічылі з Акадэміі навук за скаргу ў Адміністрацыю прэзідэнта?

Магілёвец цягам двух месяцаў змагаўся за ложка-месца ў інтэрнаце, якое яму гарантаваў інстытут фізіалогіі Нацыянальнай Акадэміі навук, аднак замест вырашэння праблемы з пражываннем застаўся без статуса аспіранта.

13.12.2011 “За чыстае паветра” – пададзена скарга

Брэсцкая актывістка Ганна Канюс падала ў аблвыканкам скаргу на забарону ўладамі горада пікету ў рамках акцыі “За чыстае паветра”. З дапамогай пікету планавалася прыцягнуць увагу грамадскасці да праблемы са смуродам ў Брэсце і выказаць пратэст у сувязі з бяздзейнасцю чыноўнікаў у гэтым пытанні.

13.12.2011 Бабруйчане віншуюць палітвязняў з надыходзячымі святамі

Дэмакратычныя актывісты горада Бабруйска 12 снежня накіравалі ўсім беларускім палітзняволеным віншавальныя паштоўкі з надыходзячымі святамі - Раством і Новым годам. Правядзенне акцыі ў падтрымку беларускіх палітвязняў у горадзе ініцыявалі бабруйскія актывісты кампаніі “Гавары праўду!”.

13.12.2011 Бярозаўчане атрымалі Усеагульную дэкларацыю правоў чалавека

Аб гэтым паклапаціўся праваабаронца Сяржук Русецкі. Ён паўтары гадзіны раздаваў 300 асобнікаў Дэкларацыі ў цэнтры гораду ля малога прамысловага рынку. Па словах Русецкага, прыемна было, калі людзі ахвотна бралі Дэкларацыю і жыва цікавіліся яе зместам і нагодай для атрымання.

13.12.2011 Мікола Статкевіч знаходзіцца ў ШЫЗА

Экс-кандыдат у прэзідэнты, асуджаны на 6 гадоў калоніі, Мікалай Статкевіч знаходзіцца ў штрафным ізалятары шклоўскай ПК-17. Туды ён памешчаны на 5 сутак, але вязень не выключае, што тэрмін «пакарання» можа быць працягнуты. Цяпер ён лічыцца «злосным парушальнікам» рэжыму.

13.12.2011 Праваабарончая праграма “Людзьмі звацца!” на Радыё Рацыя

“Падзея тыдня” прысвечаная Міжнароднаму дню правоў чалавека, які ў няпростых умовах адзначылі праваабаронцы і грамадскія дзеячы 10 сьнежня. 22 гады таму пайшоў з жыцьця дысідэнт і праваабаронца Андрэй Сахараў. Пра Дзень памяці заснавальніка праваабарончага руху ў Савецкім Саюзе - у “Праваабарончым календары”.

13.12.2011 Выступ Радаслава Сікорскага падчас уручэньня ўзнагароды Алесю Бяляцкаму

Узнагароду Pro Dignitate Humana, якая сёлета ўручаецца ўпершыню, міністр замежных справаў Польшчы 12 сьнежня перадаў палітвязьню праз яго жонку Натальлю Пінчук.

13.12.2011 Пісьменьнікі выказалі сваё стаўленьне да палітвязьняў і сьмяротнага пакараньня

Удельнікі ХVІ З’езда Саюз беларускіх пісьменнікаў, які адбыўся 10 сьнежня ў Менску, прынялі некалькі заяў, у якіх выказалі сваю пазіцыю адносна грамадска-палітычнай сітуацыі, што склалася ў краіне ў апошні час.

13.12.2011 БАЖ прапануе МУС сустрэчу за «круглым сталом»

У лісце, накіраваным у панядзелак на імя міністра ўнутраных спраў Анатоля Куляшова, БАЖ прапануе зладзіць сустрэчу прадстаўнікоў праваахоўных органаў і журналісцкай супольнасці Беларусі дзеля абмеркавання «праблем узаемадачыненняў журналістаў і супрацоўнікаў міліцыі, дзейнасці міліцэйскай „інфармацыйнай групы“, неабходнасці спецыяльнага абазначэння супрацоўнікаў СМІ ў часе асвятлення вулічных акцый» і гэтак далей.

13.12.2011 У Горках хочуць знесці дом, у якім жыў Максім Гарэцкі

Будынак нібыта замінае праекту ўпарадкавання берагавой лініі Ніжняга возера да “Дажынак” 2012 года.

13.12.2011 Мікалая Аўтуховіча змясцілі ў ПКТ

Праваабаронцам сёння стала вядома, што палітвязень Мікалай Аўтуховіч змешчаны ў памяшканне камернага тыпу тэрмінам на адзін месяц. Што паслужыла прычынай для такога кроку адміністрацыі Івацэвіцкай калоніі, пакуль невядома.