Праваабарончы цэнтр «ВЯСНА»

Навіны за Сьнежань 2011

20.12.2011 Праваабарончая дзейнасьць у Беларусі. Ад вытокаў да апошніх дзён

Пра правы чалавека ў Беларусі гавораць ужо шмат стагодзьдзяў. Але да сёньняшняга дня праблемы асабістай свабоды й вальнадумства застаюцца актуальнымі для беларусаў. У неспрыяльных, нават небясьпечных умовах беларускія праваабарончыя арганізацыі працягваюць сваю дзейнасьць.

20.12.2011 Жыхар Гомеля дзевяць месяцаў таму быў апраўданы судом, але застаецца ў спісах асобаў, якім забаронены выезд за мяжу

20 снежня каля чатырох гадзін раніцы жыхар Гомеля Яўген Дзедушкін прыехаў на рэйсавым аўтобусе на беларуска-літоўскую мяжу. «Памежнікі кажуць, што мне забаронены выезд! На той падставе, што я нібыта знаходжуся пад крымінальнай адказнасцю. Я даводжу, што яшчэ вясной 2011 года мяне цалкам апраўдаў суд, але мне не дазваляюць перасекчы мяжу – маўляў, я у спісах, і кропка».

20.12.2011 Суды над удзельнікамі акцыі пратэсту 19 сьнежня (аднаўляецца)

У судах Маскоўскага, Ленінскага, Цэнтральнага і Партызанскага раёнаў Менска сёньня праходзяць суды над затрыманымі 19 сьнежня ўдзельнікамі акцыі памяці. Гэта каля 30 чалавек, якія былі дастаўленыя ў РУУС Маскоўскага, Ленінскага, Цэнтральнага і Фрунзенскага раёна Менска. У РУУСе Маскоўскага раёна на ўсіх былі складзеныя пратаколы за ўдзел у несанкцыянаваным масавым мерапрыемстве (арт.23.34 КаАП РБ). Вызвалілі толькі траіх непаўнагадовых, на хуткай дапамозе ў 6-ты шпіталь вывезлі назіральніцу БХК Юлію Хлашчынкову.

20.12.2011 Улёткі “Свабоду Алесю Бяляцкаму” зноў з’явіліся на вуліцах Бярозы (фота)

Пасля зняволення кіраўніка Праваабарончага цэнтра “Вясна” Алеся Бяляцкага на сценах дамоў, ля пад’ездаў у горадзе Бяроза ў другі раз з’явіліся ўлёткі: “Свабоду Алесю Бяляцкаму!”. Не выключана, гэта стала адказам на адмову адпусціць палітвязня развітацца з цяжка хворым 82-гадовым бацькам.

20.12.2011 Жыхарам Гомеля ў гадавіну Плошчы нагадалі пра палітычных вязняў

Вечарам 19 снежня на цэнтральных вуліцах Гомеля – Савецкай і Перамогі, з'явіліся партрэты палітычных вязняў. Акцыю зладзілі сумесна «Малады Фронт» і «РЧСС». Інфармацыйнае мерапрыемства было прымеркаванае да гадавіны Плошчы.

20.12.2011 Анжаліцы Камбалавай растлумачылі, чаму яе пасылку не перадалі Дашкевічу (дакумент)

Кіраўніца Баранавіцкай гарадской суполкі АГП Анжаліка Камбалава атрымала адказ з пракуратуры Глыбоцкага раёна. У лісце за подпісам пракурора А. Сеўрукова паведамляецца, што пракуратура правяла праверку па факту вяртання пасылкі, адрасаванай асуджанаму Зміцеру Дашкевічу.

20.12.2011 У Бабруйску адзначылі ўгодкі Плошчы

19 снежня ў Бабруйску прайшлі дзве акцыі, якімі гараджанам нагадалі пра сумныя падзеі мінулага года. Першую зладзілі два маладых чалавекі, удзельнікі Плошчы -- яны надзелі на твары марлевыя маскі з надпісам “ШОС”, у руках трымалі запаленыя знічы. Другая акцыя прайшла пазней на плошчы Перамогі, ля помніка ахвярам рэпрэсій.

20.12.2011 Спатканне Алеся Бяляцкага з бацькам магчымае толькі на паперы (+копіі дакументаў)

Сёння жонка зняволенага праваабаронцы атрымала другі па ліку адказ ад старшыні суда Першамайскага раёна Менска Тамары Высоцкай наконт магчымасці спаткання Алеся з хворым бацькам, які знаходзіцца на мяжы жыцця і смерці. Адказ суддзі па сутнасці нічога не мяняе.

20.12.2011 Баранавіцкаму актывісту Віктару Цяпіну не працягнулі працоўны кантракт

20 снежня адміністрацыя Баранавіцкага завода аўтаматычных ліній не працягнула працоўны кантракт з Віктарам Цяпіным. Нягледзячы на тое, што на прадпрыемстве не хапае інжынераў-канструктараў, кіраўніцтва завода адмовілася ад працоўных паслугаў кваліфікаванага спецыяліста.

20.12.2011 Салігорскія ідэолагі публічна абмеркавалі хаду прымусовай падпіскі

На мінулым тыдні ў раённым выканкаме адбылася чарговая сходка штатных ідэолгаў. Адмысловы рэпартаж з паседжання быў паказаны Салігорскім тэлеканалам. Перш за ўсё мясцовыя прапагандысты ўзнялі пытанне аб прымусовай падпісцы на друкаваныя выданні.

20.12.2011 Актывістаў праваабарончага праекта “ГейБеларусь” дапытваюць спецслужбы

18-гадоваму актывісту “ГейБеларусі” з Гродна спецслужбы прапанавалі супрацоўнічаць, а ў 22-гадовага ЛГБТ-актывіста з Віцебска цікавіліся, ці не плануе той праводзіць гей-парад у Віцебску.

20.12.2011 Салігорская плошча была пад кантролем міліцыі

Каля 19:00 у цэнтры сталіцы шахцёраў пачалі збірацца дэмаратычныя актывісты. У гэты час на галоўнай плошчы гораду ўжо прысутнічалі супрацоўнікаў міліцыі ў форме і ў цывільным. Актывісты не сталі выходзіць на пляц з запаленымі свечкамі, як тое было прадугледжана фарматам акцыі.

20.12.2011 У Гародні адзначылі ўгодкі Плошчы

19 снежня ў Гародні адзначылі ўгодкі Плошчы – падзей мінулага году ў Мінску. Больш дзесяці чалавек, актывістаў Аб’яднанай грамадзянскай партыі, прыйшлі ў Пакроўскі сабор гораду, запалілі і паставілі пад іконамі 19 свечак за здароўе ўсіх пацярпелых.

20.12.2011 У Глыбоцкай калоніі не хочуць размаўляць пра Зміцера Дашкевіча

Глыбоцкія прадстаўнікі руху “За Свабоду”, БХК і БАЖ спрабавалі трапіць на прыём да начальніка калоніі №13, каб даведацца пра стан здароўя і ўмовы ўтрымання Зміцера Дашкевіча. Але ўдалося сустрэцца толькі з намеснікам кіраўніка ўстановы, які па сутнасці так і не адказаў на пытанні актывістаў.

20.12.2011 У Брэсце ўзгадалі падзеі мінулагодняй Плошчы

Удзельнікі акцыі сабраліся на плошчы Свабоды, дзе запалілі лампады і паставілі іх ля помніка, усталяванага ў гонар тых, хто вызваляў Брэст у 1944- м годзе ад нямецка-фашысцкіх захопнікаў. Побач са свечкамі актывісты пакінулі таблічку з надпісам “Запалі свечку надзеі ў сваім сэрцы” і датай “19 снежня 2011 года”.