Праваабарончы цэнтр «ВЯСНА»

Навіны за Сьнежань 2011

26.12.2011 Бярозаўчане павіншавалі палітзняволеных з Калядамі і Новым годам

Усе беларускія палітзняволеныя атрымаюць віншаванні з Калядамі і Новым годам з горада Бярозы. Па словах аднаго з віншуючых, бярозаўчане пажадалі “нашым народным героям-пакутнікам пастарацца зберагчы здароўе ў турэмных засценках, не страціць мужнасці і хутчэй выйсці на волю”.

26.12.2011 Пацыенты Багушэўскай абласной сухотнай бальніцы знаходзяцца ў жахлівых умовах (фота)

Атрымаўшы звесткі пра тое, што сябар Беларускай Хрысціянскай Дэмакратыі Валер Ганчарэнка ў Багушэўскім абласным сухотным шпіталі (Віцебская вобласць) абвясціў галадоўку супраць жудасных умоў лекавання хворых і пасля быў змешчаны ў псіхіятрычнае аддзяленне, сябры Аршанскай кааліцыі дэмакратычных сіл вырашылі наведаць гэтую бальніцу.

26.12.2011 Задзейнічаныя ўсе магчымыя інстанцыі, каб атрымаць дазвол на развітанне Алеся Бяляцкага з бацькам

Ранкам 26 снежня жонка праваабаронцы Алеся Бяляцкага Наталля яшчэ раз звярнулася ў вышэйшыя інстанцыі, якія б маглі ўзяць на сябе рашэнне прадставіць магчымасць Алесю развітацца з родным бацькам, які памёр 24 снежня.

26.12.2011 Барысаўскі зборшчык подпісаў за правядзенне НС абскарджвае рашэнне суда

Дэмактывіст Мікалай Ільюшонак, які быў аштрафаваны за нібыта «парушэнне ўстаноўленага парадку арганізацыі або правядзення сходу, мітынгу, вулічнага шэсця, дэманстрацыі, іншага масавага мерапрыемства або пікетавання», дамагаецца адмены рашэння Барысаўскага раённага суду.

24.12.2011 Сустрэцца з бацькам Алесь Бяляцкі не паспеў...

24 снежня на 83-годдзе пайшоў з жыцця Бяляцкі Віктар Усцінавіч, бацька асуджанага праваабаронцы Алеся Бяляцкага. Дыягназ - рак лёгкага - дактары паставілі ў верасні, ужо пасля арышту Алеся. Было вядома, што Віктару Усцінавічу жыць засталося няшмат. У апошні час, калі стан здароўя хворага значна пагоршыўся, родныя прыклалі ўсе намаганні, каб атрымаць дазвол на сустрэчу бацькі з сынам, каб яны змаглі пабачыцца... і развітацца яшчэ пры жыцці Калегі і сябры выказваюць спачуванні родным Алеся Бяляцкага з прычыны смерці бацькі

23.12.2011 Алесь Бяляцкі віншуе ўсіх з Калядамі і Новым Годам!

Кіраўнік "Вясны", якому давядзецца сустракаць Каляды і 2012-ты год у турэмных засценках, даслаў на волю для сяброў віншаванне з надыходзячымі святамі. Алесь жадае ўсім добрага настрою, пазітыўных эмоцыяў, займальнага адпачынку, вясёлых Калядаў і шчаслівага Новага Году! І дадае: “Будзем спадзявацца, што новы год будзе спакайнейшым персанальна для нас і, можа, урэшце, вызначальным для ўсёй краіны. Тады жыццё пацячэ ў патрэбным накірунку…”

23.12.2011 Брэсцкі актывіст “Справядлівага свету” скардзіцца ў пракуратуру

Сябра брэсцкай арганізацыі Беларускай партыі левых “Справядлівы свет” Лявонцій Чыпурных накіраваў у раённыя пракуратуры абласнога цэнтра дзве скаргі – на дзеянні супрацоўніка міліцыі падчас затрымання і на ўмовы ў ізалятары часовага ўтрымання, дзе ён адбываў адмінстратыўны арышт.

23.12.2011 Наталля Шкадун дамаглася адмены папярэджанняў адміністратыўнай камісіі па справах непаўнагадовых

23 снежня суд Ленінскага раёна Магілёва цалкам рэабілітаваў Наталлю Шкадун і яе непаўнагадовага сына Пятра. Афіцыйныя папярэджанні, якія былі вынесены ёй і яе сыну адміністратыўнай камісіяй па справах непаўнагадовых, суд адмяніў. Суддзя Ірына Сарока палічыла, што міліцыянты і камісія дапусцілі шмат памылак падчас працы.

23.12.2011 Салігорцы зноў адстаялі лес

Аднак гарантый ад далейшых пасягальніцтваў чыноўнікаў на здаровы навакольны асяродак жыхары сталіцы шахцёраў пакуль не маюць.

23.12.2011 У Асіповічах пракуратура падтрымала міліцэйскае свавольства

Грамадскі актывіст Ігар Сімбіроў 22 снежня атрымаў з траспартнай пракуратуры па Асіповіцкім раёне адказ на сваю скаргу на дзеянні супрацоўнікаў міліцыі. 8 кастрычніка на вакзале ў Асіповічах Ігара Сімбірова затрымалі двое незнаёмых людзей у цывільным, якія гвалтам зацягнулі яго ў аддзяленне транспартнай міліцыі, дзе грамадскі актывіст быў збіты, міліцыянеры ўсяляк здзекваліся з яго за тое, што ён размаўляў па-беларуску.

23.12.2011 У Гомелі час беларусізацыі не прыйшоў, лічыць чыноўнік

Начальнік аддзелу транспарту, камунікацый і экалогіі Гомельскага гарвыканкаму Вячаслаў Пятроў правёў «гарачую лінію» у рэдакцыі газеты «Савецкі раён». Сярод іншых пытанняў, датычных працы гарадскога транспарту, паступіла і прапанова ад ТБМ абвяшчаць прыпынкi ў тралейбусах па-беларуску, як гэта робіцца ў аўтобусах.

23.12.2011 Абсерваторыя па абароне праваабаронцаў асуджае прысуд намесніку старшыні ПЦ “Вясна” Валянціну Стэфановічу

Абсерваторыя па абароне праваабаронцаў, сумесная праграма Міжнароднай федэрацыі правоў чалавека (FIDH) і Сусветнай арганізацыі супраць катаванняў (OMCT), асуджае прысуд, вынесены ў дачыненні да намесніка старшыні Праваабарончага Цэнтра “Вясна” Валянціна Стэфановіча, у выглядзе штрафу ў памеры 53 млн. рублёў (каля 4 840 еўра).

23.12.2011 Журналістка Intex-press стала пераможцай конкурсу на тэму смяротнага пакарання

Конкурс для журналістаў, якія пішуць на тэмы турэмнага і смяротнага пакарання, БАЖ праводзіў разам з маскоўскім офісам Міжнароднай турэмнай амністыі (PRI). Артыкул баранавічскай журналісткі Наталлі Семяновіч атрымаў высокую адзнаку маўскоўскіх экспертаў, якія ўваходзілі ў склад журы конкурсу.

23.12.2011 Віцебскія праваабаронцы дачакаліся адказу на свае рэкамэндацыі па паляпшэньні працы судоў

Раней мы паведамлялі пра рэакцыю віцебскіх праваабаронцаў на прапанову Вярхоўнага суду па маніторынгу судовай сыстэмы. Яны накіравалі ў найвышэйшую судовую ўстанову дзяржавы свае рэкамэндацыі па паляпшэньні працы судоў.

23.12.2011 Падчас візіту Марыны Адамовіч у шклоўскую калонію быў выстаўлены блок-пост

Праваабаронцаў і журналістаў, якія таксама прыехалі туды, на паркоўку каля калоніі не пусцілі. Заезд быў перакрыты – адміністрацыя калоніі выставіла самаробны знак “Уезд забаронены”, які яўна не адпавядаў стандартам. Від на ўваход у калонію перакрывалі два прыпаркаваныя мікрааўтобусы і трактар з пяском, якія такім чынам прастаялі два дні. Акрамя гэтага, на варце стаялі супрацоўнікі ўнутраных войскаў і міліцыі, якія назіралі за журналістамі і праваабаронцамі і непадпускалі іх бліжэй за сто метраў.