Праваабарончы цэнтр «ВЯСНА»

Навіны за Верасень 2011

26.09.2011 FIDH адкрыла адмысловы сайт пра Алеся Бяляцкага

Міжнародная Федэрацыя правоў чалавека (FIDH) адкрыла адмысловы сайт для каардынацыі намаганняў па вызваленні віцэ-прэзідэнта гэтай арганізацыі, старшыні ПЦ “Вясна” Алеся Бяляцкага. Сайт зроблены на 3 мовах: англійскай, рускай і французскай.

26.09.2011 Савет ААН па правах чалавека разгледзеў даклад аб сітуацыі ў Беларусі

Савет ААН па правах чалавека на сваёй мінулай сесіі ў чэрвені прыняў адмысловую рэзалюцыю аб сітуацыі з правамі чалавека і фундаментальнымі свабодамі ў Беларусі, у якой закраналіся пытанні, звязаныя з парушэннямі правоў чалавека ў краіне пасля прэзідэнцкіх выбараў 19 снежня 2010 г.

26.09.2011 Бандарэнка ўпершыню патэлефанаваў з Магілёўскай калоніі

Зміцер Бандарэнка першы раз патэлефанаваў жонцы з Магілеўскай калоніі. Палітвязень знаходзіцца ў санчастцы і праходзіць некаторыя працэдуры пасля складанай аперацыі на пазваночніку. Як адзначае Вольга Бандарэнка, яе муж пакуль не скардзіцца ні на харчаванне ў калоніі, ні на ўмовы ўтрымання:

25.09.2011 Віншаванні Алесю Бяляцкаму гучалі сёння на менскіх вуліцах (ФОТА, ВІДЭА)

25 верасня сябры, калегі і аднадумцы Алеся Бяляцкага выйшлі на сталічны праспект, каб распавесці людзям пра тое, што сёння, у свой дзень народзінаў, вядомы на ўвесь свет беларускі праваабаронца знаходзіцца за кратамі на Валадарцы.

25.09.2011 Міліцыю цікавіла, што Уладзімір Лабковіч рабіў каля СІЗА

Уладзіміра Лабковіча пасьля апытаньння адпусцілі з Маскоўскага РАУСа. Супрацоўнікаў міліцыі цікавіла, што рабілі праваабаронцы каля следчага ізалятара на Валадарцы. Лабковіч правёў у РАУСе тры гадзіны.

25.09.2011 Вязніца Бяляцкага

25 верасня – дзень народзінаў Алеся Бяляцкага. Сорак дзевяць гадоў. Паўвекавы, юбілейны год ён сустракае ў вязніцы. Піша Уладзімір Някляеў у блогу на сайце "Беларускі партызан".

25.09.2011 Прэзідэнт FIDH Суэр Белхассен ад імя ўсіх арганізацый Федэрацыі павіншавала Алеся Бяляцкага з Днём нараджэння

"Грузія 2008 года адразу пасля вайны з Расіяй, усё яшчэ агорнуты гвалтам і агнём поўдзень Кыргызтана чэрвеня 2010 года, рэвалюцыйны Туніс увесну 2011 г. ... Алесь заўсёды быў там, дзе чакалі яго ўдзелу і дапамогі, дзе яго досвед і ўпартасць надавалі сілы і надзею".

25.09.2011 Алесь Бяляцкі: “Час зрабіў нам выклік. Мы яго прынялі”

Гэтае інтэрв’ю з Алесем Бяляцкім рыхтавалася да зборніка, прысвечанага 15-годдзю дзейнасці Праваабарончага цэнтра “Вясна”, якое адзначаецца ў гэтым годзе. Яно запісвалася за некалькі дзён да арышту праваабаронцы, і гэта першая яго публікацыя.

24.09.2011 Калегі віншуюць Алеся Бяляцкага з Днём народзінаў

Калегі-праваабаронцы перадаюць віншаванні Алесю Бяляцкаму, які вымушаны сустракаць свой дзень народзінаў у зняволенні. 25 верасня кіраўніку “Вясны” спаўняецца 49 гадоў, большасць з якіх ён прысвяціў праваабарончай дзейнасці.

23.09.2011 “Вясна” патрабуе спыніць супрацьпраўныя дзеянні ў адносінах да Андрэя Саннікава і Змітра Дашкевіча

Заява Праваабарончага цэнтра "Вясна" ад 23.09.2011

23.09.2011 Павіншуем Алеся Бяляцкага!

25 верасня, у дзень нараджэння кіраўніка Праваабарончага цэнтра “Вясна” Алеся Бяляцкага, ягоныя паплечнікі і сябры супольна дашлюць віншавальныя паштоўкі праваабаронцу.

23.09.2011 Алесь Бяляцкі: “Заляпіць рот праваабаронцам ня ўдасца” (відэа)

Новы відэасюжэт пра арышт старшыні Праваабарончага цэнтру “Вясна” Алеся Бяляцкага, абвінавачанага нібыта ва ўтойванні даходаў, хаця насамрэч гэтыя сродкі ішлі на дапамогу тысячам ахвараў перасьледу з боку таталітарнай улады.

23.09.2011 Зміцер Дашкевіч знайшоўся ў Віцебскім СІЗА

Зміцер Дашкевіч знайшоўся ў Віцебску. Лідар "Маладога Фронту" этапаваны са следчага ізалятара Магілёва ў СІЗА №2 Віцебска.

23.09.2011 Здзейснены напад на офіс РЭП, ініцыятараў «Народнага сходу»

Разбілі акно, дзверы заляпалі фарбай. Сёння ўначы адбыўся напад на офіс незалежнага прафсаюза радыёэлектроннай прамысловасці (РЭП), што месціцца па адрасе Кульман, 4.

23.09.2011 Дэпутаты Бундэстагу: "Дзе Саньнікаў?"

Дэпутатка Бундэстагу ад фракцыі зялёных Марылюіза Бэк заклікала беларускія ўлады неадкладна паведаміць адвакатам кандыдата на прэзыдэнта на выбарах 2010 году палітвязьня Андрэя Саньнікава пра месцазнаходжаньне палітыка.