Праваабарончы цэнтр «ВЯСНА»

Навіны за 15 верасьня 2011

15.09.2011 У справе фронтаўскіх актывістаў – раптоўная змена следчага

Актывісты партыі БНФ Сяржук Семянюк, Алесь Каліта і Максім Губарэвіч, на якіх заведзена крымінальная справа за “хуліганства, здзейсненае групай асобаў”, пра змену следчага даведаліся тады, калі Інга Вадзімаўна Патапенка затэлефанавала ім, каб паведаміць пра вочную стаўку са сведкам. Паводле закона, маладых людзей павінны былі азнаёміць з пастановай аб прызначэнні новага следчага па справе.

15.09.2011 Справа аб тэрарызме: беспрэцэдэнтныя меры бясьпекі і ціск на журналістаў

У Доме правасудзьдзя ў Менску 15 верасьня распачаўся працэс над Дзьмітрыем Канавалавым і Уладзіславам Кавалёвым, якіх вінавацяць ў выбуху на станцы метро “Кастрычніцкая” 11 красавіка 2011 году. Таксама іх падазраюць ва ўчыненьні выбухаў у Віцебску ў 2005 і ў Менску ў 2008 гадах і яшчэ ў 30 злачынных эпізодах.

15.09.2011 Страйк на заводзе зборнага жалезабэтону ў Сьветлагорску

15 верасня на заводзе зборнага жалезабэтону № 11 АТТ «Сьветлагорскі домабудаўнічы камбінат» адбыўся стыхійны страйк. Як паведаміў адзін з працаўнікоў заводу, з раніцы адмаўляліся прыступаць да працы рабочыя каркасна-панэльнага цэху. Яны патрабавалі забясьпечыць іх працай, падвысіць заробкі й выплаціць грошы за жнівень.

15.09.2011 Афішы Салідарнасці ў Менску

Раніцай 15-га верасня на цэнтральных вуліцах гораду на афішных тумбах з’явіліся ўлёткі з інфармацыяй пра арышт правабаронцы Алеся Бяляцкага і заклікам далучыцца да яго абароны.

15.09.2011 Слонімскі раённы суд адмовіў грамадскаму актывісту ў скарзе на мясцовы райвыканкам

Слонімскі раённы суд пад старшынством суддзі Хамінец Таццяны адмовіў у скарзе на мясцовы райвыканкам дэмакратычнаму актывісту Івану Бедку, паведамляе "Гарадзенская вясна".

15.09.2011 Суд над абвінавачанымі ў тэракце ў мінскім метро праходзіць як паказальны

Працэс над Дзмітрыем Канавалавым і Уладзіславам Кавалёвым пачаўся ў мінскім Доме правасуддзя аб 11-й. Працэс адкрыты.

15.09.2011 Партыю БНФ спрабуюць выселіць і з новага офіса

Гаспадар будынку, дзе арэндуе офіс Партыя БНФ, папрасіў яе кіраўніцтва вызваліць памяшканне да 1 кастрычніка. Гаспадар, які з’яўляецца грамадзянінам Расіі, патлумачыў,.што ён хоча прадаць офіс.

15.09.2011 Па скарзе праваабаронцы супрацоўнікі міліцыі прыцягнутыя да адказнасці

Пра гэта Анатолю Паплаўнаму паведаміў намеснік начальніка Упраўлення ўнутраных справаў Гомельскага аблвыканкама, палкоўнік міліцыі Валерый Лявонаў. З яго адказу на скаргу праваабаронцы выцякае, што праведзена службовая праверка наконт ілжывых сведчанняў супрацоўнікаў міліцыі ў судзе.