Праваабарончы цэнтр «ВЯСНА»

Навіны за Верасень 2011

28.09.2011 “Вясна для яго не прыродная падзея, а палітычная”

“Наколькі я ведаю, Валянціну Стэфановічу, як і Алесю Бяляцкаму, прапаноўвалі стаць палітуцекачом. Абодва ад такога статуса адмовіліся. Больш за тое, Валянцін Стэфановіч мае намер вярнуцца ў Беларусь. І гэта нягледзячы на тое, што пра краты свайго паплечніка па «Вясне» ведае не менш за астатніх. Чаму? Вельмі спадзяюся, што мой нарыс і будзе адным з адказаў на гэтае пытанне”, - так распачынаецца публікацыя Аляксандра Тамковіча ў рубрыцы “Асоба” на старонках “Новага Часу”.

28.09.2011 Берасьце: у працы журналісткі міліцыя ўгледзела палітычную акцыю

Карэспандэнтку «Брестского курьера» Алісу Поль міліцыянты затрымалі, калі яна працавала на вулічным апытаньні.

28.09.2011 Фотарэпартаж з варшаўскіх пікетаў за вызваленне Алеся Бяляцкага

Прадстаўнікі шэрагу праваабарончых арганізацый – з Польшчы, Нарвегіі, Кіргізіі, Арменіі, Расіі, Украіны, Узбекістана, Таджыкістана, Грузіі, Беларусі і Міжнароднай Федэрацыі за правы чалавека – 27 верасня зладзілі пікет з патрабаваннем вызвалення беларускіх палітвязняў. Адзін з пікетаў адбыўся каля будынку гатэля “Сафітэль”, у якім гэтымі днямі праходзіць сустрэча АБСЕ па чалавечым вымярэнні. Пікетоўцы выйшлі з плакатамі “Свабоду палітвязням!”, “Свабоду Алесю Бяляцкаму!” і партрэтамі вязняў.

28.09.2011 “Вясна” перадала тры ноўтбукі інвалідам-калясачнікам

Праваабарончы цэнтр “Вясна” перадаў тры ноўтбукі Мінскай арганізацыі “Рэспубліканскай асацыяцыі інвалідаў-калясачнікаў” (РАІК). Гэтыя ноўтбукі былі канфіскаваныя праваахоўнымі органамі падчас ператрусу на офісе арганізацыі 19 снежня 2010 года і вернутыя 8 верасня 2011 года.

28.09.2011 Суд за Плошчу над Святаславам Барановічам (абноўлена)

У судзе Маскоўскага раёна Менска працягваецца працэс па абвінавачанні Святаслава Барановіча ва ўдзеле ў “масавых беспарадках”. Абвінавачаны зараз знаходзіцца пад падпіскай аб нявыяздзе. Суддзя абвесціла перапынак у паседжанні да 10 гадзінаў раніцы 12 кастрычніка, каб выклікаць на паседжанне ўсіх сведкаў.

28.09.2011 Змітра Дашкевіча ў глыбоцкай калоніі наведала адвакатка

Сёньня да Змітра Дашкевіча, якога нядаўна перавялі ў глыбоцкую калонію, наведала адвакатка. У мэтах гарантавання бяспекі жыццю і здароўю палітвязня, яго перавялі ў адзіночную камеру. Цяпер умовы ўтрымання Змітра Дашкевіча нармалізаваліся.

28.09.2011 Сустрэча АБСЕ па чалавечым вымярэнні пачалася з рэзкай крытыкі Беларусі

На адкрыцці сустрэчы АБСЕ па чалавечым вымярэнні ў якасці ганаровага госця выступіла Генеральны сакратар Міжнароднай Федэрацыі за правы чалавека (FIDH) Хадзіжа Шэрыф. Яна асобна спынілася на сітуацыі з віцэ-прэзідэнтам Федэрацыі Алесем Бяляцкім і заклікала да яго неадкладнага вызвалення. У гэты момант у залі ўсталі некалькі дзесяткаў праваабаронцаў з розных краінаў постсавецкай прасторы ў майках з выявай Алеся Бяляцкага. Маўклівая акцыя салідарнасці з беларускім праваабаронцам выклікала вялікі рэзананс.

28.09.2011 У Лепелі затрыманы актывіст “Еўрапейскай Беларусі”

Віктар Калеснік вёз на сваёй машыне інфармацыйныя матэрыялы да “Народнага сходу” і газеты “Наша Ніва”.

28.09.2011 Дашкевіч у Глыбоцкай калёніі чакае сустрэчы з адвакатам

28 верасьня адвакат Марына Кавалеўская павінна сустрэцца са зьняволеным кіраўніком “Маладога фронту” Зьмітром Дашкевічам у Глыбоцкай калёніі.

28.09.2011 Віншуем Зміцера Бандарэнку!

У сераду, 28 верасня, яшчэ адзін палітзняволены, давераная асоба экс-кандыдата ў прэзідэнты Беларусі Андрэя Саннікава і сябра Беларускай асацыяцыі журналістаў Зміцер Бандарэнка, які адбывае пакаранне ў выглядзе пазбаўлення волі на два гады за падзеі 19 снежня 2010 году, адзначыць за кратамі свой дзень нараджэння. Яму спаўняецца 48 год.

27.09.2011 Запрашаем на падвядзенне вынікаў конкурсу

29 верасня “Праваабаронцы супраць смяротнага пакарання” абвесцяць вынікі конкурсу на лепшы лагатып для кампаніі. Імпрэза, падчас якой будуць узнагароджаны пераможцы, пройдзе ў Галерэі Ў. Пачатак а 19-ай гадзіне.

27.09.2011 Акцыя ў падтрымку праваабаронцы Алеся Бяляцкага ў Варшаве

Акцыя ў падтрымку кіраўніка праваабарончага цэнтра “Вясна” Алеся Бяляцкага прайшла 27 верасня ў Варшаве. Польская сталіца была абраная невыпадкова – цяпер там праходзіць штогадовая канферэнцыя АБСЕ па правах чалавека, якая сабрала каля тысячы прадстаўнікоў урадаў і актывістаў грамадзянскай супольнасці з 56 краін- удзельніц АБСЕ.

27.09.2011 Бабруйск: ператрус у Віктара Будзінаева

На кватэру да кіраўніка суполкі Аб'яднанай грамадзянскай партыі Віктара Будзінаева прыйшлі 5 міліцыянтаў.

27.09.2011 Асамблея НДА: Вызваленьне палітвязньяў гэта першы крок да магчымага дыялогу

Рабочая група Асамблеі НДА абмеркавала ўмовы дыялёгу з уладамі, неабходнасьць нарошчваньня грамадзка-палітычнай вагі грамадзянскай супольнасьці Беларусі і ўдзел Беларусі ва Ўсходнім партнэрстве.