Праваабарончы цэнтр «ВЯСНА»

Навіны за Верасень 2011

29.09.2011 Калегі па FIDH выказваюць сваю падтрымку Алесю Бяляцкаму

Ліст салідарнасці, напісаны з вялікай пранікнёнасцю, адправілі Алесю Бяляцкаму ў менскае СІЗА яго сябры і калегі па Міжнароднай Федэрацыі за правы чалавека - Генеральны сакратар FIDH Луіс-Гільерма Пэрэс (Калумбія), віцэ-прэзідэнты FIDH Кэці Галахер (ЗША), Паўліна Вега (Мексіка), Вільмэ Нуньес (Нікарагуа), Сарайя Гуцьерэс Аргуэлья (Калумбія), Хуан-Карлас Капура (Аргенціна) і адказныя за напрамкі ў дзейнасці FIDH Алірыё Урыбэ (Калумбія) і Франсіска Саберон (Перу).

29.09.2011 У судзе над Алесем Яўдахам перапынак да 14 кастрычніка

У судзе Кастрычніцкага раёну Менску працягваецца суд над заснавальнікам інтэрнэт-сэрвісу "Кнігі поштай" Алесем Яўдахам.

29.09.2011 Брэсцкі суд адмяніў апраўдальны прыгавор Змітру Шурхаю

Брэсцкі абласны суд адмяніў апраўдальны прыгавор каардынатару аргкамітэта па Брэсцкай вобласці па стварэнні партыі Беларускай хрысціянскай дэмакратыі Змітру Шурхаю.

29.09.2011 Ажубаліс: «Выпадак зь Бяляцкім – дывэрсія недэмакратычных сілаў»

Міністар замежных справаў Літвы Аўдронюс Ажубаліс выступіў у разьдзеле камэнтароў на інфармацыйным партале delfi.lt з выкладам пазыцыі міністэрства ў справе падтрымкі дэмакратычных працэсаў у Беларусі і ў сувязі з інцыдэнтам з Алесем Бяляцкім.

29.09.2011 Ператрус у жодзінскага актывіста

Да актывіста аргкамітэту Народнага Сходу Юрася Сілкіна а 17-й гадзіне прыйшлі зь ператрусам. Як паведаміў сам спадар Юрась, траіх міліцыянтаў цікавілі матэрыялы з запрашэньнем на Народны сход, што мае адбыцца ў Жодзіне 8 кастрычніка.

29.09.2011 Гомельскі абласны суд адхіліў скаргу Ігара Случака

28 верасьня судзьдзя Гомельскага абласнога суду Аляксандар Сужаеў адхіліў касацыйную скаргу грамадзкага актывіста, студэнта юрфаку Тартускага ўнівэрсытэту Ігара Случака на пакараньне трыма суткамі арышту.

29.09.2011 У Берасьці забаранілі пікеты Віктара Чайкоўскага

Намесьнік старшыні аб’яднаньня прадпрымальнікаў «Пэрспэктыва» Віктар Чайкоўскі атрымаў адмоўны адказ з гарвыканкаму на сваю заяўку аб правядзеньні сэрыі пікетаў.

29.09.2011 Ад Беларусі патрабуюць увядзеньня мараторыя на сьмяротнае пакараньне

Каардынатар кампаніі “Праваабаронцы супраць сьмяротнага пакараньня” Андрэй Палуда патрабаваў ад уладаў Беларусі тэрміновага ўвядзеньня мараторыю на сьмяротнае пакараньне.

29.09.2011 Паштоўкі ў падтрымку Алеся Бяляцкага з Варшавы

Падчас пікету каля будынку гатэля “Сафітэль”, у якім праходзіла сустрэча АБСЕ па чалавечым вымярэнні, праваабаронцы сабралі каля 200 паштовак са словамі падтрымкі для Алеся Бяляцкага.

29.09.2011 За здымкі на Аршанскім кірмашы затрымалі журналістаў

Журналістка «Новага часу» Лола Бурыева і журналіст «Нашай Нівы» Сяргей Сацюк былі затрыманыя за відэаздымкі на кірмашы ў Воршы. Іх прымусілі даць тлумачэньні, што і зь якой мэтай яны здымаюць, распавёў сябар БАЖ, праваабаронца грамадзянскай кампаніі «Наш дом» Мікалай Петрушэнка.

29.09.2011 У Баранавічах грамадскага актывіста затрымалі на працоўным месцы

Сёння, 29 верасня, супрацоўнікі міліцыі затрымалі грамадскага актывіста, сябра партыі “Справядлівы свет” Віктара Цяпіна прама на працоўным месцы – на заводзе аўтаматычных ліній. Ён быў дастаўлены ў Баранавіцкі гарадскі аддзел унутраных спраў для складання адміністратыўнага пратакола па артыкуле 23.34 КААП (за парушэнне парадку арганізацыі і правядзення масавага мерапрыемства).

29.09.2011 Казахскі праваабаронца Яўген Жоўціс падтрымаў Алеся Бяляцкага лістом

Вядомы праваабаронца з Казахстана Яўген Жоўціс, які адбывае пакаранне ў выглядзе 4 гадоў пазбаўлення волі ў папраўчай калоніі ў горадзе Усць-Каменагорску, даслаў ліст у падтрымку арыштаванага старшыні Праваабарончага цэнтру “Вясна” Алеся Бяляцкага.

29.09.2011 На канферэнцыі АБСЕ абмеркавалі дзеянні па неадкладным вызваленні беларускіх палітвязняў

28 верасня ў рамках штогадовай канферэнцыі АБСЕ па чалавечым вымярэнні ў Варшаве адбылося паралельнае мерапрыемства “Алесь Бяляцкі: сімвалічная справа парушэнняў палітычных і грамадзянскіх правоў у Беларусі пасля прэзідэнцкіх выбараў 2010”, арганізаванае кааліцыяй праваабарончых арганізацыяў. У дыскусіі ўзялі ўдзел прадстаўнікі праваабарончых арганізацыяў, былыя палітвязні Аляксандр Атрошчанкаў, Уладзімір Кобец, Віталь Рымашэўскі, лідэры беларускіх дэмакратычных партыяў.

29.09.2011 Маўклівыя акцыі: сталіца і рэгіёны

28 верасьня сябры суполкі "Рэвалюцыя праз сацыяльныя сеткі" заклікалі прыйсьці на Кастрычніцкую плошчу апоўначы на 29 верасьня, адразу пасьля таго, як завершыцца футбольны матч "БАТЭ-Барсэлона".

28.09.2011 Да ўвагі ўдзельнікаў начной акцыі маўклівага пратэсту!

Усіх, хто плануе ўдзельнічаць у акцыі маўклівага пратэсту на Кастрычніцкай плошчы апоўначы 29 верасня, Праваабарончы цэнтр “Вясна” заклікае паведамляць аб затрыманнях удзельнікаў і іншых парушэннях правоў чалавека.