Праваабарончы цэнтр «ВЯСНА»

Навіны за 23 сакавіка 2011

23.03.2011 Суд над Мікітам Ліхавідам працягнецца заўтра (дадаліся камэнтары праваабаронцы Валянціна Стэфановіча)

Чарговае паседжанне распачнецца ў Партызанскім райсудзе Мінска ў 10.00 24 сакавіка. За сённяшні дзень дапытаныя яшчэ 16 пацярпелых і 1 сведка, усе яны супрацоўнікі МУС. 20-гадоваму актывісту Руху "За свабоду" Мікіце Ліхавіду пагражае ад 3 да 8 гадоў пазбаўлення волі.

23.03.2011 Дашкевіч і Лобаў: другі дзень судовага працэсу (аднаўляецца)

У судзе Маскоўскага раёна Менска 23 сакавіка аднавіўся разгляд крымінальнай справы старшыні «Маладога фронту» Зміцера Дашкевіча і кіраўніка менскай структуры МФ Эдуарда Лобава, якіх вінавацяць у асабліва злосным хуліганстве (ч.3 арт.339 Крымінальнага кодэксу). Суддзя Алена Шылько. Адвакаты па справе Мар'яна Сямешка і Аўсяньнікава Алена. Дзяржаўны абвінаваўца - К. Мазоўка.

23.03.2011 Гродна: адміністрацыйны працэс па справе графіці штучна зацягваецца

23 сакавіка ў Гродне судом Ленінскага раёну быў працягнуты адміністрацыйны працэс па справе Кацярыны Герасімчык, якую вінавацяць у нанясенні графіці на помнік Леніну, што стаіць каля гарвыканкаму.

23.03.2011 Суддзя Уладзіслаў Шыкароў трэці раз штрафуе Хамайду на мільён рублёў

Усе тры мільённыя штрафы накладзены на віцебскага апазіцыянера Барыса Хамайду ў сакавіку гэтага года. Суддзя Уладзіслаў Шыкароў раз ад разу вінаваціць спадара Хамайду ў арганізацыі несанкцыянаваных пікетаў з выкарыстаннем бел-чырвона-белага сцяга.

23.03.2011 Выклікалі – атрымайце

У Магілёве ўсім заяўнікам на правядзенне пікетаў 25 сакавіка супрацоўнікі РАУС Ленінскага раёна ўчора ўручылі позвы на допыт у якасці сведак. Дэмакратычныя актывісты павінны былі 23 сакавіка з'явіцца да часова выканаўцы абавязкаў намесніка начальніка Аддзела аховы правапарадку РАУС Ленінскага раёна маёра А.А. Цецерукова. Замест паказанняў "сведкі" пакінулі міліцыянтам скаргу ў кнізе заўвагаў.

23.03.2011 Новыя затрыманьні пад судом Маскоўскага раёна

Каля 17 гадзінаў ля суду Маскоўскага раёна Менска былі затрыманыя Зміцер Хведарук, Андрусь Тычына, Ільля Шыла і невядомы юнак. У руках яны трымалі партрэты. Пакуль невядома – чые.

23.03.2011 І дапыталі, і папярэдзілі

Барысаўскага актывіста Максіма Мароза 23 сакавіка выклікалі ў міліцыю. Напярэдадні спрабавалі выклікаць па тэлефоне, аднак ён запатрабаваў позву, якую яму перадалі позна ўвечары.

23.03.2011 У Гродна -- масавыя папярэджанні грамадскіх актывістаў наконт Дня Волі

За апошнія суткі супрацоўнікі міліцыі звярнуліся з гэтай нагоды да Вадзіма Саранчукова, Сяргея Антусевіча, Валерыя Кісяля, Міколы Лемяноўскага, Яна Лялевіча, Міколы Баўсюка, Юрыя Істоміна, Уладзіміра Хільмановіча. Яны раілі актывістам не выязджаць у сталіцу менавіта 25 сакавіка.

23.03.2011 “Непахісны” генпракурор Васілевіч

“Дзейнасць ад імя палітычнай партыі, іншага грамадскага аб’яднання, рэлігійнай арганізацыі або фонда, якія не прайшлі ва ўстаноўленым парадку дзяржаўнай рэгістрацыі, супярэчыць заканадаўству Рэспублікі Беларусь”- гэта “ўстойлівы” выраз з адказу, які атрымаў кіраўнік ПЦ “Вясна” Алесь Бяляцкі ад Генеральнага пракурора Рыгора Васілевіча. Аднак довады праваабаронцы пра тое, што скасаванне рэгістрацыі “Вясны” з’яўляецца незаконным і гэта прызнана на ўзроўні ААН, а артыкул 193-1 КК РБ наўпрост супярэчыць Канстытуцыі і міжнародным нормам у галіне правоў чалавека, цалкам ігнаруюцца.

23.03.2011 Павел Севярынец атрымаў лісты падтрымкі ад Вацлава Гавела і Марэка Мігальскага

Абодва лісты прыйшлі на віцебскі адрас палітыка, зняволенага ў СІЗА КДБ пасля падзеяў 19 снежня. Іх атрымала маці палітвязня, Тацяна Севярынец. Яна кажа, што вельмі ўдзячная за цёплыя словы на адрас сына і сапраўды сяброўскую падтрымку заходніх палітыкаў.

23.03.2011 У Віцебску -- ніводнага дазволу на акцыі 25 сакавіка

Паколькі мітынгі і пікеты забароненыя, актывісты запрашаюць жыхароў абласнога цэнтру адзначыць Дзень Волі ўскладаннем кветак да мемарыяльнай дошкі ў гонар Васіля Быкава і да помніка Уладзіміру Караткевічу.

23.03.2011 Крымінальная справа аб масавых беспарадках: 39 абвінавачаных, 13 падазраваных і 7 асуджаных

Па інфармацыі ПЦ “Вясна”, на 29 сакавіка 2011г. у статусе абвінавачаных знаходзіцца 39 чалавек, з іх 26 утрымліваюцца пад вартай у чаканні суду, 2 – пад хатнім арыштам, 10 – пад падпіскай аб нявыездзе. У статусе падазраваных – 13 чалавек, з іх 2 знаходзяцца па-за межамі краіны, пераважная большасць – пад падпіскай аб нявыездзе. 4 фігуранты крымінальнай справы асуджаныя да пазбаўлення волі, 2 – да штрафаў і 1 – да абмежавання волі без накіравання ва ўстанову адкрытага тыпу.

23.03.2011 Астапеню - 10 сутак арышту за расцяжку, Шылу - 13

Рыгора Астапеню, якога затрымалі ўчора разам з Іванам Шыламі за расцяжку ў падтрымку Зміцера Дашкевіча і Эдуарда Лобава пакаралі арыштам на 10 сутак. Адміністратыўную справу разглядаў суддзя суду Маскоўскага раёну Менска Тацяна Матыль. Івану Шылу - 13 сутак.

23.03.2011 Кароткі аналітычны агляд судовага працэсу над Зміцерам Дашкевічам і Эдуардам Лобавым: першы дзень

22 сакавіка 2011г. ў судзе Маскоўскага раёну г.Менска распачаўся судовы працэс над лідарам “Маладога Фронту” Зьмітром Дашкевічам і кіраўніком менскай суполкі гэтай арганізацыі Эдуардам Лобавым. Маладых людзей вінавацяць у асабліва злосным хуліганстве (ч.3 арт.339 Крымінальнага кодэксу), зьдзейсьненым 18 сьнежня 2010 г.

23.03.2011 Пракуратура Мінска прызнала парушэнні працэдуры ператрусу ў праваабаронцы

Віталь Амяльковіч атрымаў адказ на зварот з пракуратуры горада Мінска. У лісце за подпісам намесніка пракурора В.М. Мацэля прызнаецца парушэнне працэдуры правядзення ператрусу ў праваабаронцы.