Праваабарончы цэнтр «ВЯСНА»

Навіны за Лістапад 2010

26.11.2010 Ярмошына: "Калі будуць доказы, Някляева і Саньнікава здымем з выбараў"

Старшыня Цэнтральнай выбарчай камісіі Лідзія Ярмошына на просьбу "Свабоды" пракамэнтавала выказваньне Аляксандра Лукашэнкі пра тое, што выбарчая кампанія кандыдатаў у прэзыдэнты Ўладзімера Някляева і Андрэя Саньнікава фінансуецца Расеяй.

26.11.2010 Магілёў: Някляеў сустрэўся з выбаршчыкамі і БРСМ

Падчас свайго візіту Някляеў разам са сваімі актывістамі і даверанымі асобамі наведаў свята БРСМ, якое праходзіла пад лозунгам “Зрабі свой выбар” каля кінатэатра “Радзіма” ў цэнтры Магілёва. Адметным было тое, што каб патрапіць на мерапрыемства, неабходна было прайсці праз браму з металадэтэктарамі.

26.11.2010 Брэсцкая вобласць: “Аўганцы” засведчылі сваю адданасць Аляксандру Лукашэнку

У № 94 газеты “Пінскі веснік” ад 26 лістапада надрукаваны “Зварот удзельнікаў Брэсцкай абласной канферэнцыі ГА “Беларускі саюз ветэранаў вайны ў Аўганістане” да Прэзідэнта Рэспублікі Беларусь Аляксандра Рыгоравіча Лукашэнкі”.

26.11.2010 Слуцк. Ярмошына адказала на скаргу праваабаронцы

Назіральніка праінфармавалі, што 23 лістапада Слуцкі райвыканкам унёс дапаўненні ў рашэнне, якое прадугледжвае дадатак пераліку месцаў, дазволеных для правядзення масавых мерапрыемстваў для перадвыбарчай агітацыі.

26.11.2010 Слуцк. Саннікаў сабраў дзвесце выбаршчыкаў на першай сустрэчы

Каля двухсот случчакоў прыйшлі на сустрэчу з кандыдатам у прэзідэнты Андрэем Саннікавым ў Слуцкім гарадскім Доме культуры 25 лістапада. Сустрэча працягвалася каля гадзіны. За гэты час Саннікаў і яго давераныя асобы адказалі на два дзесяткі пытанняў мясцовага электарату.

26.11.2010 МГА «Згуртаванне беларусаў свету «Бацькаўшчына» святкуе 20-гадовы юбілей

26 лістапада ў Менску адбудзецца ўрачыстая вечарына з нагоды 20-годзьдзя Згуртаваньня беларусаў сьвету “Бацькаўшчына”.

26.11.2010 Мастоўскі раён: Сябру ўчастковай камісіі ад Партыі БСДГ пагражаюць “разборкамі”

Нагодай для публічнай “абструкцыі” паслужыў той факт, што Лявон Карповіч па выніках першага паседжання ўчастковай камісіі напісаў у Мастоўскую тэрытарыяльную камісію скаргу на арганізацыю і правядзенне першага паседжання, адзначыўшы парушэнні Выбарчага кодэксу, а таксама выклаў свае прапановы па паляпшэнні яе працы.

26.11.2010 Слонім: “Трывожная” сустрэча

25 лістапада ў Слоніме ў кінатэатры “Мір” адбылася сустрэча Паўла Севярынца, даверанай асобы кандыдата ў прэзідэнты Віталя Рымашэўскага, з жыхарамі горада. У гэты час у Слонімскай вайсковай 11-ай механізаванай брыгадзе па трывозе сабралі ў частцы ўсіх афіцэраў.

26.11.2010 Прапанова Сняжаны Неўдах аб разгалошванні месцаў пахавання растраляных будзе разгледжаная

Жыхарка горада Брэста Сняжана Неўдах атрымала адказ з Нацыянальнага Цэнтра заканадаўства і прававых даследаванняў РБ на свой зварот да прэзідэнта ад 28 кастрычніка 2010 года.

26.11.2010 На мяжы затрымалі інструкцыі для кароткатэрміновых назіральнікаў

Сёння ўначы на памежным пункце “Каменны Лог” у прадстаўнікоў кампаніі “Праваабаронцы за свабодныя выбары” Уладзіміра Лабковіча і Зміцера Салаўёва, якія вярталіся з Вільні ў Мінск, супрацоўнікі Ашмянскай мытні затрымалі інструкцыі для кароткатэрміновых назіральнікаў. Праваабаронцы кажуць, што ўвесь час супрацоўнікі мытні раіліся з УКДБ, баючыся самастойна прымаць рашэнне – затрымаць ці прапусціць.

26.11.2010 Брэст: Агітпікеты ў падтрымку Някляева запланаваны ў ажыўленых месцах

Прапанова правесці пікеты на дзесяці шматлюдных пляцоўках павінна заахвоціць гарадскія ўлады перагледзець уласнае рашэнне, датычнае месцаў, выдзеленых для агітацыі падчас цяперашніх прэзідэнцкіх выбараў, лічыць Мікалай Коўш, давераная асоба кандыдата ў прэзідэнты.

26.11.2010 Мазыр: Давераную асобу Рымашэўскага затрымлівалі па дарозе ў Мінск

Прадстаўнік выбарчага штаба В. Рымашэўскага ў Мазырскім раёне Алесь Кавальчук раніцай 24 лістапада быў затрыманы супрацоўнікамі мясцовай міліцыі пры выездзе з горада на асабістым аўтамабілі.

26.11.2010 Бярозаўскі раён: Выдзеліце месца для сустрэч!

Выбаршчык з мястэчка Малеч Бярозаўскага раёна Анатоль Сахаруша накіраваў скаргі ў Бярозаўскі райвыканкам, Брэсцкі аблвыканкам і Цэнтральную выбарчую камісію. У сваіх скаргах ён паведамляе пра тое, што ў мястэчку Малеч, дзе пражывае паўтары тысячы выбаршчыкаў, не адведзена месца для сустрэч з кандыдатамі ў прэзідэнты РБ.

26.11.2010 Баранавічы: Назіральнікі АБСЕ дамовіліся з мясцовым праваабаронцам падтрымліваць сувязі

Доўгатэрміновыя назіральнікі ад АБСЕ Брыгіта Хойер (Нямеччына) і Карнэліс Куйманс (Нідэрланды) сустрэліся 24 лістапада ў Баранавічах з прадстаўніком Праваабарончага цэнтра “Вясна” Сяргеем Гоўшам.

26.11.2010 Жодзіна: Назіральнікі АБСЕ сустрэліся з праваабаронцам

Аляксей Лапіцкі асаблівую ўвагу прадстаўнікоў міжнароднай місіі звярнуў на ўмовы фармавання выбарчых камісій, іх склад, становішча з незалежнымі і дзяржаўнымі СМІ, а таксама на праблемы з транспарэнтнасцю выбарчых працэсаў, відавочныя праблемы з датэрміновым галасаваннем і працэдурай падліку галасоў.