Праваабарончы цэнтр «ВЯСНА»

Навіны за 28 лістапада 2010

28.11.2010 Слонім: Абвесткі аб сустрэчы з Кастусёвым зрываюцца

Давераная асоба Рыгора Кастусёва Іван Шэга, які працуе доктарам ў Слонімскай паліклініцы, размясціў там абвестку пра сустрэчу кандыдата ў прэзідэнты ад Партыі БНФ са слонімцамі з дазволу ў намесніка галоўнага ўрача. Праз некалькі гадзін паведамленне было сарвана невядомым.

28.11.2010 У гомельскім гіпермаркеце замест фірмовых пакетаў прадаюць агіткі «За квітнеючую Беларусь!»

У адзіным гомельскім гіпермаркеце на касах перасталі прадаваць фірмовыя пакеты малых і вялікіх памераў, а замест іх прапануюць пакупнікам толькі пакеты з датай прэзідэнцкіх выбараў і слоганам «За квітнеючую Беларусь!». У іншых гарадскіх гандлёвых кропках такія пакеты таксама вісяць на касах, але рэалізуюцца на выбар разам з фірмовымі.

28.11.2010 Маладэчна: Першая агітацыйная ўлётка кандыдата

У Маладэчне і раёне подпісаў за Дзмітрыя Уса ніхто не збіраў, і, наколькі вядома, зараз яго каманды тут таксама няма. Тым не менш, улётка гэтага кандыдата была вывешана першай, і ў самым шматлюдным месцы, што адразу звярнула ўвагу маладэчанцаў.

28.11.2010 Брэст: Зменены рашэнні аб месцах для агітацыі па-за памяшканнямі

Адміністрацыі абодвух раёнаў Брэста (Ленінскага і Маскоўскага) сінхронна змянілі свае рашэнні ўжо пасля таго, як у Беларусі ва ўсю моц ідзе агітацыйны этап выбарчай прэзідэнцкай кампаніі.

28.11.2010 Салігорск: На сустрэчу з Саннікавым прыйшло менш людзей, чым чакалася

Па словах Уладзіміра Лемеша, даверанай асобы Андрэя Саннікава, кожная спроба размясціць абвестку пра прыезд кандыдата ва ўстановах і прадпрыемствах гораду патрабавала шматгадзінных узгадненняў з кіраўніцтвам арганізацыі і раённымі ідэолагамі.

28.11.2010 Мэр Баранавічаў і журналісты: ніводнага пытання пра выбары

На сустрэчы мэра горада з прадстаўнікамі СМІ ні аднаго пытання не было зададзена пра выбары прэзідэнта. Размова ішла, найперш, пра праблемы горада, завяршаючуюся пяцігодку, добраўпарадкаванне вуліц і мікрараёнаў.

28.11.2010 На Кастусёва склалі пратакол за пікет

На Магілёўшчыне сёньняшні дзень агітацыйнай кампаніі правёў кандыдат у прэзыдэнты ад партыі БНФ Рыгор Кастусёў. Ён сустрэўся з выбарцамі трох райцэнтраў вобласьці – Бялынічаў, Круглага ды Шклова. Першымі ж сёньня агітацыйную прамову Кастусёва паслухалі выбарцы абласнога цэнтру. Зь імі ён сустракаўся ў мясцовым цэнтры культуры і адпачынку працаўнікоў беларускай чыгункі.

28.11.2010 Пінск: Агітацыйных матэрыялаў кандыдатаў у прэзідэнты няма

Штабы кандыдатаў у прэзідэнты застылі ў незразумелым “анабіёзе”. Аднак, калі яны актывізуюцца, то ў іх можа ўзнікнуць праблема. Для плакатаў дзесяці кандыдатаў на адведзеных інфармацыйных стэндах у ЖЭСах, парках і кірмашах проста фізічна не хопіць месца.

28.11.2010 Бялыніцкі раён: Прыхільнікі Някляева арганізоўваюць пікеты ў вёсках

Юлія Гаўрыленка: "Калі ў Вішове ўсё было добра, то, калі мы прыехалі ў Вялікую Машчаніцу і разгарнулі свой пікет каля гатэльнага комплекса “Мара”, праз пэўны час да нас падыйшоў дырэктар гэтага комплекса і запатрабаваў спыніць правядзенне пікету".