Праваабарончы цэнтр «ВЯСНА»

Навіны за 4 лістапада 2010

04.11.2010 Пружаны: Чырвоны Крыж замест палітычных партый

Ні ў адной з 55 участковых выбарчых камісій па выбарах прэзідэнта Рэспублікі Беларусь, сфармаваных у Пружанскім раёне, не будзе прадстаўнікоў палітычных партый (прычым не толькі апазіцыйных, але і лаяльных да цяперашніх улад).

04.11.2010 Брэст: Хто можа прысутнічаць на паседжаннях па фармаванні камісій?

Жыхар Брэста Рыгор Варвашэвіч падаў у мясцовы гарвыканкам скаргу на дзеянні кіраўніцтва Адміністрацыі Ленінскага раёна абласнога цэнтра, якое адмовіла яму ў магчымасці прысутнічаць на паседжанні, дзе разглядалася пытанне аб стварэнні на тэрыторыі раёна участковых выбарчых камісій.

04.11.2010 Горкі: Раённы выбаркам дае прыблізныя звесткі аб колькасці сабраных за Аляксандра Лукашэнку подпісаў

Галоўны рэдактар газеты “Узгорак” Эдуард Брокараў абураецца з гэтай нагоды: калі раённая камісія ведае толькі прыблізныя звесткі пра сабраныя подпісы за А. Лукашэнку, то, значыць, і звесткі, агучаныя Цэнтральнай выбарчай камісіяй, з’яўляюцца не дакладнымі, а прыблізнымі.

04.11.2010 Ва ўчастковых камісіях Віцебшчыны – менш за 0,25% апазіцыянераў

Ад АГП ва ўчастковыя камісіі вобласці дапусцілі тры чалавекі. І яшчэ ў камісіі трапілі некалькі прадстаўнікоў грамадскай арганізацыі “Самакіраванне і грамадства”. Ад Партыі БНФ у камісіі не ўдалося трапіць нікому, а ад партыі “Справядлівы свет”, якая вылучыла ў склад участковых камісій 50 прэтэндэнтаў, у камісіі трапілі толькі 18 чалавек.

04.11.2010 Калегіяльнасць прыняцця рашэнняў – у вялікім дэфіцыце

Ірына Смяян-Семянюк, сябра ўчастковай камісіі № 104 Маскоўскага раёна г.Мінска: "Старшыня камісіі мне сказаў, што я тут ніхто і каб я закрыла рот. Я вельмі спакойна адказала, што згодна з Выбарчым кодаксам рашэнне прымаецца калегіальна, і што не трэба грубасцяў".

04.11.2010 Бяляцкі: Сьледчыя “тасуюць” артыкулы, каб аблегчыць сабе жыцьцё

Ужо два месяцы знаходзяцца за кратамі Аляксандар Францкевіч і Мікалай Дзядок. Іх затрымалі на пачатку верасьня паводле падазрэньня ў датычнасьці да выбуху на тэрыторыі расейскай амбасады ў Менску, але потым трымалі паводле іншых крымінальных справаў. Агулам у сувязі з падазрэньнямі ў нападзе на расейскую амабасаду затрымліваліся дзясяткі чалавек.

04.11.2010 Светлагорск: На 60 выбарчых участкаў – двое дэмакратычных прадстаўнікоў

Абодва ўвайшоўшыя ў камісіі – сябры партыі “Справядлівы свет”. З 22 прадстаўнікоў дэмакратычных сіл, якія былі вылучаны ва ўчастковыя выбарчыя камісіі ў Светлагорскім раёне Гомельскай вобласці, райвыканкам уключыў у камісіі толькі двух чалавек. Зусім не ўключаны прадстаўнікі Партыі БНФ – паводле інфармацыі райвыканкама, пратакол аб іх вылучэнні меў памылку.

04.11.2010 Хоцімск: Актывістаў БНФ “Адраджэнне” не ўключылі ў склад участковых камісій

Два прадстаўнікі ад ГА БНФ “Адраджэнне” - Сяргей Петражыцкі, які вылучаўся ў склад першага Ленінскага выбарчага ўчастаку, і Васіль Землякаў, які вылучаўся ў склад трэцяга Наберажнага выбарчага ўчастка, - у камісіі не патрапілі. З пададзеных 121 кандыдатуры не ўключылі толькі актывістаў ГА БНФ “Адраджэнне”, а ўсе астатнія прайшлі.

04.11.2010 У камісіях Брэсцкай вобласці - 1,1 % вылучэнцаў ад палітычных партый

Ад палітычных партый у выбаркамы прайшлі 110 чалавек - 1,1 % ад агульнай колькасці сябраў камісій. А менавіта: ад КПБ - 49 прадстаўнікоў, ад ПБНФ – 30, ад партыі левых “Справядлівы свет” – 22, ад БСДП(Г) – 5 і ад АГП – 4.

04.11.2010 У Аршанскі суд накіраваныя скаргі на неўключэнне ў склад участковых камісій

Аршанскі гарадскі камітэт партыі левых "Справядлівы свет" накіраваў 4лістапада скаргу ў суд Аршанскага раёна і горада Оршы. Аналагічная скарга ў той жа суд накіраваная і Аршанскім раённым камітэтам "Справядлівага свету".

04.11.2010 Брэст: У Ленінскім раёне 44 камісіі сфармавалі за 10 хвілін

Як сведчаць відавочцы, паседжанне ў адміністрацыі Ленінскага раёна г.Брэста, на якім 3 лістапада былі сфармаваныя гэтыя ўчастковыя камісіі, праводзілася ў спешным парадку. Па гэтай прычыне многія з прысутных не адразу зразумелі, каго ж усё-ткі ўключылі ў склад выбаркамаў. У адказ на прэтэнзіі па дадзенай падставе кіраўніцтва раёна прапанавала дачакацца афіцыйнай публікацыі поўнага спісу сябраў участковых камісій у гарадскіх газетах.

04.11.2010 Ліцэй БДУ на асадным становішчы (дапаўняецца)

У Ліцэі БДУ цяпер знаходзяцца ўзвод АМАПу і шмат працаўнікоў Ленінскага РУУС Менску. Пра гэта “Белсату” паведаміў актывіст кампаніі “Гавары праўду!” Міхась Пашкевіч. Прычынаю “манеўраў міліцыі” стала жаданне Уладзіміра Някляева прысутнічаць на імпрэзе, запланаванай у Ліцэі.

04.11.2010 Гомельская вобласць: Прысутнасць апазіцыі ў камісіях — мінімальная

Па афіцыйных звестках, толькі каля 5% у складзе камісій — дзяржаўныя служачыя. Але, і мы неаднаразова пра гэта пісалі, дзяржаўныя служачыя пры ўключэнні ў выбарчыя камісіі часта «маскіруюцца» пад грамадскіх дзеячаў: то яны сябры ФПБ, ці «Беларускага саюза жанчын», ці «Белай Русі».

04.11.2010 Маладэчна: Склад камісій невядомы, час для магчымага абскарджання сыходзіць

Калі чакаць адказ райвыканкама, то абскарджваць рашэнне аб утварэнні камісій будзе ўжо позна, бо у адпаведнасці з арт.34 гэта трэба рабіць на працягу трох дзён, пачынаючы з дня прыняцця рашэння.

04.11.2010 Брэст: У 84 участковых камісіях Маскоўскага раёна - 17 прадстаўнікоў партый

Кіраўнік адміністрацыі Аляксандр Рагачук, каментуючы склад сфармаваных участковых камісій, заявіў, што ўключэнне вылучэнцаў праходзіла прапарцыянальна пададзеным заявам ад грамадскіх аб'яднанняў і палітычных партый: «Мы нікога не пакрыўдзілі, а таму пры стварэнні камісій выкарыстаны прынцып аб'ектыўнасці і справядлівасці».