Праваабарончы цэнтр «ВЯСНА»

Навіны за Лістапад 2009

19.11.2009 Ідэолагі па працы з моладдзю з'явяцца нават у прыватных кампаніях

Пасада спецыяліста па працы з моладдзю прапануецца ўвесці на дзяржпрадпрыемствах і ў прыватных кампаніях Беларусі. Гэту пасаду збіраюцца ўвесці паводле Закона «Аб асновах дзяржаўнай моладзевай палітыкі», які ў Менску быў ухвалены Саветам Рэспублікі.

19.11.2009 Канстытуцыйны суд Расіі забараніў прымяняць смяротнае пакаранне

Канстытуцыйны суд Расіі вынес пастанову, згодна з якой сьмяротнае пакараньне ў краіне не можа прымяняцца нават па заканчэнні мараторыя на вышэйшую меру пакарання, паведамляе "Інтэрфакс".

19.11.2009 Беларусь не адказала на пазоў Красоўскіх

16 лістапада скончыўся тэрмін, вызначаны Рэспубліцы Беларусь для адказу на пазоў сям’і Красоўскіх, які быў накіраваны ў Камітэт па правах чалавека ААН.

18.11.2009 Сяргей Мацкевіч: «Падчас брусэльскага мерапрыемства былі зроблены два важныя крокі”

Кіраўнік Рабочай групы Асамблеі НДА і сябра кіраўнічай рады Форума грамадзянскай супольнасьці Сяргей Мацкевіч каментуе вынікі першага пасяджэньня Форума.

18.11.2009 Мінінфа папярэдзіла «Нашу Ніву», «Народную волю», «КП в Беларуси» і «Ва-Банк»

Праўда пра грып выклікала ў чыноўнікаў шал? Ці запрашэнне да Мядзведзева? Інакш патлумачыць супадзенне чатырох папярэджанняў цяжка. Міністэрства інфармацыі вынесла пісьмовыя папярэджанні чатыром недзяржаўным газетам. Матывацыя — «у сувязі з парушэннямі ў публікацыях патрабаванняў Закона Рэспублікі Беларусь «Аб сродках масавай інфармацыі».

18.11.2009 Міласэрнасць караецца?

На жыхара Брэста Аляксандра Казлянка 17 лістапада быў складзены адміністратыўны пратакол за парушэнне Закона “Аб масавых мерапрыемствах у Рэспубліцы Беларусь”. Актывіст руху «Ежа замест бомбаў» пацярпеў за тое, што несанкцыянавана раздаваў ежу тым, хто мае ў гэтым патрэбу, сацыяльна неабароненым групам.

18.11.2009 Прэзідэнт Еўрапарламента: «Гэта апошні шанец для рэжыму Лукашэнкі»

«Калі пасля 12 месяцаў мы не заўважым канкрэтнага прагрэсу на шляху да дэмакратызацыі, тады працэс збліжэння Еўразвяза і Беларусі неабходна спыніць», - заявіў Ежы Бузэк.

18.11.2009 Леанід Козік правядзе маніфістацыю ў абарону Тацьцяны Шапуцькі

Аб гэтым старшыня "Савету фэдэрацыі прафсаюзаў Беларусі" паведаміў на паседжаньні "Форуму Ўсходняга партнэрства".

18.11.2009 Абласны суд адмяніў штраф актывісту ПКБ

Сёньня судзьдзя Гомельскага абласнога суду Васіль Бягун адмяніў 700-тысячны штраф кіраўніку Жлобінскай раённай арганізацыі ПКБ Валеру Рыбчанку. Адміністрацыйная справа супраць яго накіравана на новы разгляд у суд Чыгуначнага раёну Гомеля.

17.11.2009 Еўрасаюз прадоўжыў частковае прыпыненне санкцый

Еўрасаюз прадоўжыў частковае прыпыненне санкцый у дачыненні да беларускіх чыноўнікаў і дзеянне санкцый да кастрычніка 2010 года. Пра гэта гаворыцца ў заяве кіраўнікоў МЗС краін Еўрасаюза ад 17 лістапада.

17.11.2009 Чэшскі дысідэнт Ян Урбан: Правы чалавека перадусім

Канец 1980-ых гадоў быў для Чэхаславакіі складаным часам. Ніхто не ведаў, што прыйдзе на змену камунізму. Але нават тады знаходзіліся людзі, якія верылі ў перамены і працавалі дзеля іх. Пра ролю журналістаў у несвабодным грамадстве распавядае вядомы чэшскі дысідэнт і журналіст Ян Урбан.

17.11.2009 Першая за год акцыя салідарнасьці без разгону

Акцыя салідарнасьці зь сем’ямі зьніклых і палітвязьнямі адбылася на Кастрычніцкай плошчы безь міліцэйскага ўмяшальніцтва. Удзельнікі акцыі тлумачаць гэта тым, што ўлады такім чынам дэманструюць Захаду мажлівасьць розных паводзінаў у дачыненьні да праяваў дэмакратыі.

17.11.2009 Ці паказала Беларусь прагрэс у выкананні ўмоў Еўрасаюза?

Праваабаронцы, палітолагі і журналісты ацанілі змены па пяцібальнай шкале.

16.11.2009 Культурна-асьветніцкаму грамадзкаму аб’яднаньню “Залаты Леў” адмовілі ў рэгістрацыі па абсурдных прычынах

Галоўнае ўпраўленьне юстыцыі Гарадзенскага аблвыканкама вырашыла адмовіць у рэгістрацыі слонімскаму аб’яднаньню “Залаты леў”. Асноўная падстава адмовы - неадпаведнасьць заканадаўству асобных палажэньняў статута аб’яднаньня, у тым ліку датычных парадку ўнясеньня зьменаў у статут і парадку абскарджаньня рашэньняў органаў аб’яднаньня, паведаміла прэс-служба Асамблеі НДА.

16.11.2009 Беларускія ўлады лічаць зварот Юзэпчука ў ААН неправамерным

З упраўлення Вярхоўнага камісара па правах чалавека ААН атрымана паведамленне пра атрыманне інфармацыі ад кампетэнтных органаў РБ адносна індывідуальнага звароту ад імя прысуджанага да смяротнага пакарання Васіля Юзэпчука.