Праваабарончы цэнтр «ВЯСНА»

Навіны за Лістапад 2009

20.11.2009 Салігорскі выканкам не дазволіў сустрэчу з пісьменнікам Уладзімірам Арловым

Запланаваная на сёння, 20 лістапада, сустрэча чытачоў з Уладзімірам Арловым пад пагрозай зрыва. Салігорскія ідэолагі вырашылі, што творчы вечар з удзелам пісьменніка будзе несці палітычную афарбоўку.

20.11.2009 За дапамогу суду пенсіянера з Берасця пазбавілі ліцэнзіі

Пенсіянер з Берасця Павел Казлоў накіраваў скаргу на імя генеральнага пракурора, у якой просіць абскардзіць дзеянні Савета міністраў.

20.11.2009 50 гадоў таму была прынятая Дэклярацыя правоў дзіцяці

20 лістапада 1959 году была прынятая Дэклярацыя правоў дзіцяці. У дакумэнце сказана, што яго мэта — “забясьпечыць дзецям шчасьлівае дзяцінства”. А праз 30 гадоў у той жа дзень была прынята Канвэнцыя аб правах дзіцяці

20.11.2009 «Нашай Ніве» афіцыйна патлумачылі, за што папярэдзілі

Падставай для атрымання папярэджання стаў артыкул «Замоўчванне грыпу выклікала эпідэмію панікі», які быў надрукаваны ў нумары 41 ад 4 лістапада.

20.11.2009 Права маладых - не страляць!

Актывісты моладзевай арганізацыі Аб’яднанай грамадзянскай партыі "Маладыя дэмакраты" распачалі ў Менску кампанію - "Права не страляць". Яе мэта – праінфармаваць маладых людзей аб альтэрнатыўнай грамадзянскай службе.

20.11.2009 БХК далучыўся да ENEMO

Беларускі Хельсінкскі Камітэт стаў сябрам Еўрапейскай сеткі арганізацыяў па назіранні за выбарамі (ENEMO).

20.11.2009 “Магілёўскі Час” зноў не зарэгістравалі

Міністэрства інфармацыі вярнула таварыству з абмежаванай адказнасьцю “Магілёўскі Час” пакет дакумэнтаў на рэгістрацыю газэты. Паводле чыноўнікаў, у пакеце адсутнічала копія дамовы заснавальніка зь юрыдычнай асобай, на якую ўскладаліся функцыі рэдакцыі газэты. Гэта сталася прычынай вяртаньня дакумэнтаў.

19.11.2009 Журналісты і праваабаронцы: складанасці паразумення

Ці дастаткова ўвагі надаецца тэматыцы правоў чалавека ў беларускіх СМІ? Ці праваабаронцы ўмеюць зацікаўліваць журналістаў у пладах сваёй працы? Пра гэтыя і іншыя тэмы вялося на семінары-дыялогу «Прафесійная журналістыка і правы чалавека», што прайшоў у Доме правоў чалавека ў Вільні 13–15 лістапада.

19.11.2009 Прымаюцца заяўкі на ўдзел у дыстанцыйным навучанні адвакатаў і юрыстаў

Сакратарыят міжнароднай Сеткі Дамоў правоў чалавека і Дом правоў чалавека ў Вільні аб'яўляюць набор на ўдзел у праграме дыстанцыйнага навучання адвакатаў і юрыстаў міжнароднаму праву правоў чалавека. Адбор удзельнікаў адбываецца на конкурснай аснове.

19.11.2009 Пенсіянер абскарджвае забарону пікета супраць абыякавасці чыноўнікаў

73-гадовы пенсіянер Павел Казлоў абскарджвае рашэнне суда Ленінскага раёна Брэста, які палічыў правамерным забарону гарвыканкамам пікета "супраць абыякавасці чыноўнікаў да зваротаў грамадзян". Ён накіраваў скаргу ў судовую калегію па грамадзянскіх справах Брэсцкага абласнога суда, паведамляе БелаПАН.

19.11.2009 Дакументы на рэгістрацыю недзяржаўнай газеты «Салігорск-плюс» зноў вярнулі

Мінінфармацыі зноў заявіла, што дакументы на рэгістрацыю выдання ўтрымліваюць парушэнні, і да ранейшых заўваг дадало новыя.

19.11.2009 Незалежны журналіст патрапіў у справу "міліцэйскіх паляўнічых"

Паводле некаторых СМІ, паляўнічыя залезлі ў запаведную зону – бо займаліся расследаваннем антыкарупцыйных спраў у найбліжэйшым атачэнні прэзідэнта, што прывяло да сапраўднай вайны паміж Камітэтам Дзяржаўнай Бяспекі і Міністэрствам унутраных спраў. Справу спрабаваў высветліць адзін з мясцовых журналістаў Мікола Бянько, зараз і ён апынуўся пад наглядам службаў.

19.11.2009 Актывістцы БХД пагражаюць звальненьнем

Актывісты “Беларускай Хрысціянскай Дэмакратыі” па ўсёй краіне адчуваюуць на сабе рэпрэсіі з боку ўладаў.

19.11.2009 «Исключительный цинизм» Юрася Казака

Актывіст Наваградзкай філіі «Маладога Фронту» Юрась Казак, абвінавачаны ў злачынстве па частцы 1 артыкула 339 Крымінальнага Кодэксу РБ - "хуліганства", распаўсюдзіў пісьмовую заяву, дзе ён зазначае пра незаконнасьць гэтай крымінальнай справы.

19.11.2009 Студэнты-платнікі, якія працуюць па размеркаванні, атрымалі льготы бюджэтнікаў

Студэнты, якія навучаліся за кошт уласных сродкаў і пайшлі працаваць па размеркаванні, зараз могуць карыстацца правамі і льготамі маладога спецыяліста. Раней маладым спецыялістам з'яўляўся толькі студэнт, які прайшоў навучанне за кошт сродкаў бюджэту і быў накіраваны па размеркаванні на першае працоўнае месца.